રાજસ્થાનની ખાણમાં લીફ્ટનું દોરડું તૂટતા મોટી દુર્ઘટના : ફસાયેલા 14માંથી 10 લોકોનું કરાયું રેસ્ક્યુ
રાજસ્થાનમાં મોટો અકસ્માત સર્જાયો હતો જેમાં ઝુંઝુનુમાં હિન્દુસ્તાન કોપર લિમિટેડની ખાણમાં મંગળવારે મોડી રાત્રે એક લિફ્ટ 1800 ફૂટ નીચે પડી હતી જેના કારણે 14 અધિકારીઓ ફસાયા હતા ત્યારે ખેતડીની ખાણમાં થયેલી દુર્ઘટના અંગે એક મોટું અપડેટ સામે આવ્યું છે. નીમ કા થાણા જિલ્લામાં હિન્દુસ્તાન કોપરની કોલિહાન ખાણમાં લિફ્ટનું દોરડું તૂટી જતાં 14 લોકો 1800 ફૂટની ઊંડાઈમાં ફસાઈ ગયા હતા. ગઈકાલથી ચાલી રહેલા રેસ્ક્યુ ઓપરેશનમાં અત્યાર સુધીમાં 10 લોકોને બચાવી લેવામાં આવ્યા છે. જેમાંથી ત્રણ લોકોને ગંભીર હાલતમાં જયપુર રીફર કરવામાં આવ્યા છે. અન્ય ચાર લોકોને પણ બહાર કાઢવાના પ્રયાસો ચાલુ છે. અંદર ફસાયેલા તમામ લોકો સુરક્ષિત છે.
આ પછી લગભગ 9 વાગ્યે વધુ પાંચ લોકોને અને 10.30 વાગ્યે વધુ બે લોકોને બહાર કાઢવામાં આવ્યા હતા. અત્યાર સુધીમાં કુલ 10 લોકોને બહાર કાઢવામાં આવ્યા છે. બાકીના ચાર લોકો પણ સુરક્ષિત હોવાનું કહેવાય છે. બચાવી લેવામાં આવેલા અધિકારીઓને જયપુરની મણિપાલ હોસ્પિટલમાં દાખલ કરવામાં આવ્યા છે. મુખ્યમંત્રી ભજનલાલ શર્મા પણ આ બચાવ કાર્ય પર જાતે નજર રાખી રહ્યા છે. તેમણે સંબંધિત અધિકારીઓને રાહત અને બચાવ કામગીરી ઝડપથી હાથ ધરવા અને અસરગ્રસ્ત લોકોને તમામ શક્ય મદદ અને આરોગ્ય સુવિધાઓ પૂરી પાડવા સૂચના આપી છે.
એકે શર્મા ડેપ્યુટી જનરલ મેનેજર માઈન્સ એન્ડ કોલિહાન માઈન્સ, પ્રીતમ સિંહ મેનેજર, હંસરામ કર્મચારી, જીડી ગુપ્તા યુનિટ હેડ, એકે બૈરા આસિસ્ટન્ટ ડેપ્યુટી જનરલ મેનેજર મિકેનિકલ, વનેન્દુ ભંડારી આસિસ્ટન્ટ ડેપ્યુટી જનરલ મેનેજર વિજિલન્સ, નિરંજન સાહુ સિનિયર મેનેજર રિસર્ચ, ભગીરથ સિંહ, કરણ સિંહ ગેહલોત. સિક્યુરિટી ઓફિસર અને રમેશ નારાયણ સિંઘ સિનિયર મેનેજર દ્વારા ખાણને અત્યાર સુધી બહાર કાઢવામાં આવી છે.
HCLના વરિષ્ઠ અધિકારીઓ ખાણમાં ફસાયા
લિફ્ટને ટેકો આપતું દોરડું તૂટવાને કારણે આ અકસ્માત સર્જાયો હતો. ખાણની અંદર ફસાયેલા અધિકારીઓમાં KCC યુનિટ (ખેત્રી કોપર કોમ્પ્લેક્સ યુનિટ)ના ચીફ જીડી ગુપ્તા, દિલ્હીથી આવેલા ચીફ વિજિલન્સ ઓફિસર ઉપેન્દ્ર પાંડે, કોલિહાન ખાણના ડેપ્યુટી જનરલ મેનેજર એકે શર્માનો સમાવેશ થાય છે. અન્યમાં વિનોદ સિંહ શેખાવત, એકે બૈરા, અર્ણવ ભંડારી, યશોરાજ મીના, વનેન્દ્ર ભંડારી, નિરંજન સાહુ, કરણ સિંહ ગેહલોત, પ્રીતમ સિંહ, હરસીરામ અને ભગીરથનો સમાવેશ થાય છે.
