• ઓહોહો… .. રૂપિયા 80 હજાર કરોડની કર ડિમાન્ડ
• જીએસટી તંત્ર દ્વારા દેશમાં 20 હજાર નોટિસો પાઠવાઈ, તપાસ ઝડપી

વોઇસ ઓફ ડે નવી દિલ્હી
ગુડ્સ એન્ડ સર્વિસ ટેક્સ ઓથોરિટીની તપાસ શાખાએ 2017-18 થી 2021-22 સુધીના મૂલ્યાંકન વર્ષ માટે દેશભરમાં 20,000 થી વધુ નોટિસ જારી કરી છે. પ્રારંભિક અંદાજ મુજબ, આ નોટિસો દ્વારા 80 હજાર કરોડ રૂપિયાથી વધુની ટેક્સ ડિમાન્ડ કરવામાં આવી છે.

આ નોટિસો સંપૂર્ણ ટેક્સની કથિત રીતે બિન-ચુકવણી, ઇનપુટ ટેક્સ ક્રેડિટ રિવર્સલ, મોટી સંખ્યામાં કરદાતાઓ અને વ્યવસાયીકોને અસર કરતી કેટલીક કાનૂની જોગવાઈઓના અર્થઘટન સહિત વિવિધ મુદ્દાઓ માટે આપવામાં આવી છે.જે ક્ષેત્રોને નોટિસ મોકલવામાં આવી છે તેમાં વિદેશી ઉડ્ડયન કંપનીઓ, શિપિંગ કંપનીઓ, વીમા કંપનીઓ, ઓનલાઈન ગેમિંગ કંપનીઓ, માહિતી ટેકનોલોજી કંપનીઓ અને અન્ય ઘણી પ્રકારની કંપનીઓનો સમાવેશ થાય છે.

મોટાભાગની કારણદર્શક નોટિસો આકારણી વર્ષ 2017-18 માટેની કરવામાં આવી છે જેની છેલ્લી તારીખ 5 ઓગસ્ટ હતી. તપાસ એજન્સીએ પાંચ વર્ષની સમય મર્યાદા પૂરી થવાના ઓછામાં ઓછા છ મહિના પહેલા નોટિસ આપવી ફરજિયાત હતી. પરિણામે, 5 ઓગસ્ટ પહેલા નોટિસ મોકલવામાં આવી હતી અને તે અંગેનો અંતિમ આદેશ 5 ફેબ્રુઆરી, 2025 સુધીમાં અપેક્ષિત છે.

ડેલોઇટના પાર્ટનર એમએસ મણિએ જણાવ્યું હતું કે, “ઓડિટ અને તપાસ બંને મુજબ વેપારીઓને જીએસટી કારણ બતાવો નોટિસ ઇશ્યૂ કરવામાં આવી છે, જેના કારણે વેપારીઓએ સમય મર્યાદામાં જવાબ આપવો પડશે. આવા પ્રતિભાવો ભૂતકાળના ડેટા, એકાઉન્ટિંગ રેકોર્ડ્સ અને અન્ય ટેક્સ ડેટા સાથે સુસંગત હોવા જોઈએ અને યોગ્ય માહિતી પ્રદાન કરવી જોઈએ. આ બધામાં ઉદ્યોગપતિઓનો ઘણો સમય અને મહેનત લાગશે.

સીજીએસટી અધિનિયમની કલમ 74 એવી જોગવાઈ કરે છે કે સંભવતઃ છેતરપિંડી, ઈરાદાપૂર્વકની ખોટી માહિતી અથવા તથ્યો છુપાવવાને કારણે ભૂલથી અથવા ટૂંકી ચૂકવણી અથવા ચૂકવણી ન કરવા માટે સંબંધિત સત્તાધિકારીને રિફંડની વસૂલાત માટે નોટિસ આપી શકે છે .