ભાજપના વિવાદિત નેતા નૂપુર શર્મા 1 વર્ષ બાદ જાહેરમાં દેખાયા
ઇસ્લામ ધર્મના પયગંબર વિષે વિવાદિત વિધાન કર્યા હતા
ઇસ્લામ ધર્મના પૈગમ્બર અંગે વિવાદિત કોમેન્ટ કર્યા બાદથી અન્ડરગ્રાઉન્ડ રહેલા ભારતીય જનતા પાર્ટીના પૂર્વ નેતા નૂપુર શર્મા પહેલી વાર જાહેરમાં દેખાયા હતા. તેઓ ફિલ્મ ‘ધ વેક્સીન વોર’ને પ્રમોટ કરવા માટે આયોજિત કરાયેલ એક ઈવેન્ટમાં સામેલ થયા હતા. આ દરમિયાન તેમણે ‘ભારત માતા કી જય’ના નારા પણ લગાવ્યા હતા.
નૂપુરે એક વર્ષ કરતા વધુ સમયથી જાહેર જીવનથી અંતર જાળવી રાખ્યુ હતું. ગત વર્ષે જૂન મહિના બાદથી તેઓ સોશિયલ મીડિયા પરથી પણ ગાયબ થઈ ગયા હતા.
નૂપુર શર્મા ફિલ્મના ડાયરેક્ટર વિવેક અગ્નિહોત્રી અને સ્ટારકાસ્ટ સાથે હાજર રહ્યા હતા. નૂપુરે વેક્સીન વૈજ્ઞાનિકોનો આભાર વ્યક્ત કરતા કહ્યું કે, તમારો આભાર વ્યક્ત કરવો છે. તમારા કારણે જ અમે ભારતીયો જીવિત છીએ. તમારો હ્રદયથી આભાર. વિવેક અગ્નિહોત્રી તમારો પણ આભાર કે, તમે મને આમંત્રિત કરી. એક જ વાત કહીશ- ‘ભારત માતા કી જય’ અને ઈન્ડિયા, ભારત કેન ડૂ ઈટ.
