ભારતથી અમેરિકા ગયેલા માલમાંથી શું નીકળ્યું ? કેવી મચી સનસનાટી ? વાંચો

અમેરિકામાં ભારતથી સપ્લાઈ કરવામાં આવેલી દોરીની ખેપમાંથી 70 હજારજેટલી નશીલી ગોળીઓ મળી આવી છે. આ દવાની કિંમત 33,000 અમેરિકન ડોલર હોવાનું કહેવાય છે. અમેરિકાના કસ્ટમ્સ અને બોર્ડર પ્રોટેક્શન વિભાગે આ માહિતી આપી હતી.

દોરીનાં કન્સાઇનમેન્ટમાંથી આ દવા મળી આવી છે. જે કેલિફોર્નિયાના બ્યુના પાર્કમાં એક સરનામે મોકલવાની હતી. અમેરિકામાં આ દવાના ઉપયોગ પર પ્રતિબંધ છે અને તબીબી સલાહ વિના તેને ખરીદવા કે તેનું સેવન કરવા પર પ્રતિબંધ છે. આવી સ્થિતિમાં આ ડ્રગ્સની તસ્કરીનો મામલો પણ હોઈ શકે છે. દોરીના માલમાં આવી દવા મળવી ચિંતાનો વિષય છે.

વ્યવસનીઓ આ ગોળી લ્યે છે
ઝોલ્પીડેમ ટર્ટ્રેટ નામની આ દવા ડ્રગ્સ એન્ફોર્સમેન્ટ એડમિનિસ્ટ્રેશન દ્વારા નિયંત્રિત પદાર્થોની યાદીમાં સામેલ છે. આ માદક દ્રવ્યોમાં આવે છે અને ક્યારેક લોકો તેનો ઉપયોગ ઊંઘ માટે પણ કરે છે. ડ્રગ્સની લત ધરાવતા લોકો પણ આ દવા ખરીદે છે.

આ દવા ડોકટરો દર્દીઓને અનિદ્રાની સારવાર માટે સૂચવે છે. પરંતુ ઘણીવાર તેમના દુરુપયોગ અંગે પણ ફરિયાદો મળે છે. આ કારણે તેમના વેચાણને નિયંત્રિત કરવાના પ્રયાસો કરવામાં આવે છે. 17મી ડિસેમ્બર 2024ના રોજ વોશિંગ્ટન ડલ્સ એરપોર્ટ નજીક એક એર કાર્ગો વેરહાઉસમાં અધિકારીઓએ દોરીનાં 96 રોલ્સના શિપમેન્ટની તપાસ કરી હતી.