દુબઈના આકાશમાં શું થયું હતું ? વાંચો

લોકો કેમ ડરી ગયા હતા ?

દુબઈમાં અનરાધાર વરસાદ પડ્યા બાદ એક વિચિત્ર ઘટના બહાર આવી હતી અને આકાશ થોડા સમય માટે સંપૂર્ણ લીલા કલરમાં તબદીલ થઈ ગયું હતું. આ દ્રશ્ય જોઈને લોકોમાં કુતૂહલ સર્જાયું હતું. જો કે થોડા સમય બાદ આકાશ અસલી રંગમાં આવી ગયું હતું. આ ઘટનાના વિડીયો પણ વાયરલ થયા હતા. જાણે કુદરતે આશ્ચર્યજનક કાર્યક્રમ કર્યો હોય તેવો ઘાટ સર્જાયો હતો.

પાછલા દિવસોમાં સંયુક્ત આરબ અમીરાતમાં પડેલા ભારે વરસાદને કારણે સામાન્ય જનજીવન ગંભીર રીતે પ્રભાવિત થયું હતું. વિશ્વના શ્રેષ્ઠ શહેરોમાંનું એક દુબઈ જાણે પાણીમાં ગરકાવ થઈ ગયું હોય એવું લાગી રહ્યું હતું.. આ દરમિયાન દુબઈમાંથી જ ઘણા ચોંકાવનારા અને ડરામણા વીડિયો સામે આવ્યા હતા.

23 સેકન્ડના વીડિયોમાં દુબઈનું હવામાન એટલું ઝડપથી બદલાય છે કે આકાશ લીલા રંગનું થઈ જાય છે. આ વીડિયો ખૂબ જ વાયરલ થયો છે. જે જોઇને લોકો ડરી ગયા હતા. આવી ઘટના લોકોએ પ્રથમ વાર જોઈ હતી. જો કે તેના કેટલાક સાયન્ટિફિક કારણો હવામાનને લઈને હોઇ શકે છે તેમ જાણકારો માને છે.