પાકિસ્તાનમાં પરિણામો આશ્ચર્ય સર્જશે, જુઓ શું થયું

હાફિઝ સઈદના દીકરાની હાર, નવાઝ શરીફ પહેલી સીટ જીત્યા અને બીજી સીટ પર પાછળ

પાકિસ્તાનમાં ફરી એક વખત મોટી રાજકીય ઉથલ-પાથલ થઈ શકે છે. પાકિસ્તાનની સામાન્ય ચૂંટણીના પરિણામો સામે આવી રહ્યા છે. જેમા પાકિસ્તાનની ત્રણ મોટી પાર્ટી વચ્ચે જોરદાર ટક્કર ચાલી રહી છે. તેમા નવાઝ શરીફની પાકિસ્તાન મુસ્લિમ લીગ (PMLN), ઈમરાન ખાનની પાકિસ્તાન તહરીક-એ-ઈન્સાફ (PTI) અને બિલાવલ ભૂટ્ટોની પાકિસ્તાન પિપલ્સ પાર્ટી (PPP) વચ્ચે ભારે રસાકસી સર્જાઈ રહી છે. થોડીવાર નવાઝની પાર્ટી આગળ તો થોડીવાર ઈમરાનની પાર્ટી આગળ થઈ રહી છે. તો ક્યારેક બિલાવલની પાર્ટી આગળ ચાલી રહી છે.

નવાઝની પુત્રી મરિયમ નવાઝ અને ભાઈ શાહબાઝ શરીફ પણ ચૂંટણી જીત્યા છે. તે જ સમયે, આતંકવાદી હાફિઝ સઈદનો દીકરો તલ્હા સઈદ NA-122 (લાહોર) બેઠક પરથી ચૂંટણી હારી ગયો છે.

ઈમરાન ખાન અને નવાઝ શરીફના પક્ષો વચ્ચે જોરદાર ટક્કર
પાકિસ્તાનના ચૂંટણી પરિણામોમાં ઈમરાન ખાન અને નવાઝ શરીફની પાર્ટી વચ્ચે જોરદાર ટક્કર થઈ રહી છે. નવાઝની પાર્ટીએ જ્યાં 27 બેઠક પર જીત મેળવી છે તો બીજી બાજુ ઈમરાનની પાર્ટી 29 બેઠક જીતી ચુકી છે. બિલાવલ ભૂટ્ટોની પાર્ટી પીપીપી 18 બેઠકો જીતી ચૂકી છે.

154 બેઠક પર આગળ ચાલી રહ્યા છે ઉમેદવાર
રુઝાનોમાં ભૂતપૂર્વ વડાપ્રધાન ઈમરાન ખાન દ્વારા સ્થાપિત પાર્ટી સમર્થિક અપક્ષ 150 થી વધારે બેઠક પર આગળ ચાલી રહ્યા હતા. . જોકે નવાઝ શરીફની પાર્ટી આગળ નિકળી રહી છે. મળતી માહિતી પ્રમાણે PTI સમર્થિત ઉમેદવાર 154 બેઠક પર આગળ છે. જ્યારે પાકિસ્તાન પીપલ્સ પાર્ટી (PPP) તથા પાકિસ્તાન મુલ્સિમ લીગ-નવાઝ (PML-N) 47 બેઠક પર આગળ છે.