કરાચીના શોપિંગ મોલમાં લાગલી આગમાં કેટલા લોકોનો ભોગ લેવાયો જુઓ
અન્ય કેટલાક લોકો દાઝી ગયા: 6ની હાલત ગંભીર: 50 લોકોને બચાવી લેવાયા
પાકિસ્તાનના કરાચીમાં એક શોપિંગ મોલમાં એકાએક ભયાનક આગ ફાટી નીકળી હતી અને તેમ 11 લોકો જીવતા ભુંજાઈ ગયા હતા. જ્યારે અન્ય કેટલાક લોકો દાઝી ગયા હતા અને તેમાંથી 6 લોકોની હાલત ગંભીર છે અને મૃત્યુઆંકમાં વધારો થઈ શકે છે.
આગ ફેલાઈ ગઈ ત્યારે ભારે દોડાદોડી અને ચીસાચીસ થઈ ગઈ હતી. અનેક લોકો મોલની અંદર ભાગમાં ફસાઈ ગયા હતા. જેમને બહાર કાઢવા માટે ફાયર ફાઇટરોના જવાનોએ કલાકો સુધી મહેનત કરી હતી. શોપિંગ મોલના બીજા માળે આગ ફાટી નીકળી હતી. ફાયર ફાઇટર ઓપરેશનના વડાએ એવી માહિતી આપી હતી કે, આગની લપટો પાંચમા અને છઠ્ઠા માળ સુધી પહોંચી ગઈ હતી. 12 જેટલા ફાયર ફાઇટરોએ કલાકો સુધી સંઘર્ષ કરીને આગને કાબુમાં લીધી હતી. અંદર ફસાયેલા 42થી વધુ લોકોને હેમખેમ બહાર કાઢી લેવાયા હતા આમ છતાં 11 લોકો માર્યા ગયા હતા.
