ટ્રમ્પને બુધવારે વ્હાઈટ હાઉસનું આમંત્રણ આપતા જો બાઈડન

રાષ્ટ્રપતિ બાઈડન ડોનાલ્ડ ટ્રમ્પનું સ્વાગત કરશે : ભાવિ રાષ્ટ્રપતિને મળવાની પરંપરા ચાલુ રહેશે

અમેરિકાના આઉટગોઇંગ પ્રેસિડેન્ટ જો બાઈડને નવા ચૂંટાયેલા રાષ્ટ્રપતિ ડોનાલ્ડ ટ્રમ્પને 13 નવેમ્બરે વ્હાઇટ હાઉસ ખાતે મીટિંગ માટે આમંત્રણ આપ્યું છે. આ બેઠક બાદ ઔપચારિક રીતે પ્રમુખ પદની બદલીની પ્રક્રિયા શરૂ થશે. વ્હાઇટ હાઉસના પ્રેસ સેક્રેટરી કેરેન જીન પિયરે એક નિવેદનમાં જણાવ્યું હતું કે આઉટગોઇંગ પ્રેસિડેન્ટ બિડેનના આમંત્રણ પર નવા ચૂંટાયેલા રાષ્ટ્રપતિ ટ્રમ્પ બુધવારે સવારે 11 વાગ્યે ઓવલ ઓફિસમાં તેમની સાથે મુલાકાત કરશે.

વર્તમાન રાષ્ટ્રપતિ અને નવા ચૂંટાયેલા પ્રમુખ વચ્ચેની આ બેઠક ઔપચારિક છે અને દાયકાઓ જૂની પરંપરા છે. મીટિંગ સામાન્ય રીતે ‘ઓવલ ઓફિસ’માં થાય છે, જે દરમિયાન આઉટગોઇંગ પ્રેસિડેન્ટ તેમના અનુગામીને દેશના મુખ્ય એજન્ડા વિશે જણાવે છે. પ્રથમ મહિલા અને આવનાર પ્રથમ મહિલા વચ્ચે મુલાકાત પણ થાય છે. આ દરમિયાન નવા ચૂંટાયેલા રાષ્ટ્રપતિને વ્હાઇટ હાઉસનો પ્રવાસ પણ કરાવવામાં આવે છે.

અમેરિકાના ઈતિહાસમાં આ બીજી વખત બન્યું છે કે, ચાર વર્ષના અંતરાલ પછી રાષ્ટ્રપતિ ફરી ચૂંટાયા હોય. સંબંધિત પરંપરાગત બેઠક સત્તાના શાંતિપૂર્ણ સ્થાનાંતરણનું પ્રતીક છે. 2020 માં જ્યારે ટ્રમ્પે ચૂંટણી પરિણામો સ્વીકાર્યા ન હતા ત્યારે આ થઈ શક્યું નહીં. તે પ્રમુખ જૉ. બિડેનના શપથ ગ્રહણ સમારોહમાં પણ હાજરી આપી ન હતી.