અમેરિકામાં ફરી માથું ઊચકતો કોરોના
મોત અને દર્દીઓની સંખ્યામાં વધારાથી ચિંતા
અમેરિકામાં કોરોનાએ દુનિયામાં સૌથી વધુ તરખાટ મચાવ્યો હતો અને હવે ફરીવાર કોરોનાએ માથુ ઉંચકી લીધું છે. અમેરિકામાં ઉનાળાનો અંત આવી રહ્યો છે ત્યારે કોરોનાના કેસોમાં ફરી વધારો નોંધાઈ રહ્યો છે સાથોસાથ મોતના કેસ પણ વધી રહ્યા છે. લોકો ચિંતામાં છે
એક જ સપ્તાહમાં કોરોનાના કારણે હોસ્પિટલમાં ભરતી થયેલા દર્દીઓની સંખ્યામાં 19 ટકાનો વધારો નોંધાયો છે. જ્યારે કોરોનાના કારણે થતા મોતની સંખ્યા 21 ટકા જેટલી વધી ગઈ છે. મળતા આંકડા અનુસાર એક જ સપ્તાહમાં 10000 લોકોને કોરોનાના કારણે હોસ્પિટલમાં દાખલ કરવાનો વારો આવ્યો છે.
અમેરિકાના સેન્ટર ફોર ડિસિઝ કન્ટ્રોલના ડાયરેક્ટર મેંડી કોહેનનુ કહેવુ છે કે, જે લોકોએ કોરાનાની રસી નથી લીધી તેમના માટે કોરોના જોખમરૂપ સાબિત થઈ શકે છે. જેમને પહેલા કોરોના નથી થયો અથવા જેમની ઉંમર વધારે છે અને બીજી પણ બીમારીઓથી પિડિત છે તેમના માટે પણ કોરોના ખતરનાક સાબિત થઈ શકે છે.
એક અહેવાલ અનુસાર હોસ્પિટલમાં દાખલ થયેલા લોકોમાં 70 ટકા લોકો 65 વર્ષ કે તેથી વધારે વયના છે. અમેરિકામાં કોરોનાનો ઓમિક્રોન વેરિએન્ડ ઈજી.5 તો સક્રિય છે જ અને હવે બીએ 2.86 પ્રકારનો વેરિએન્ટ પણ ફેલાવાનો શરૂ થયો છે. બીજા પ્રકારનો વેરિએ્ટ વધારે સંક્રમણ ફેલાવી શકે છે તેવી ચેતવણી ગયા સપ્તાહે જ આપવામાં આવી હતી.
