અફઘાનમાં ફરીવાર 6,3 ની તીવ્રતાનો ભૂકંપ
ત્રણ દિવસ પહેલાના ભૂકંપમાં 4 હજારના મોત થયા હતા, નવા ભૂકંપમાં કોઈ જાનહાની નથી
વોઇસ ઓફ ડે નવી દીલ્હી
અફઘાનિસ્તાનની ધરતી વારંવાર હલી રહી છે. હજુ હમણાં જ ભૂકંપથી 4 હજાર લોકો માર્યા ગયા હતા અને ફરી ધરતી ધ્રુજી હતી અને મોટો ભૂકંપ આવતા લોકોમાં નાસભાગ મચી ગઈ હતી. ઉત્તર-પશ્ચિમ અફઘાનિસ્તાનમાં ભૂકંપના ભારે આંચકા અનુભવાયા છે. રિક્ટર સ્કેલ પર તેની તીવ્રતા 6.3 મપાઈ હતી. જર્મન રિસર્ચ સેન્ટર ફોર જિયો સાયન્સિઝે જણાવ્યું કે અફઘાનિસ્તાનના ઉત્તર પશ્ચિમ ભાગમાં ભૂકંપના ભારે આંચ્કા આવ્યા હતા. જો કે જાનહાનીના કોઈ અહેવાલો મળ્યા નથી.
માહિતી અનુસાર ભૂકંપનું કેન્દ્ર જમીનથી 10 કિ.મી. ઊંડે હોવાનું જણાવાઈ રહ્યું છે. જોકે અત્યાર સુધી જાનહાનિનો કોઈ આંકડો જાહેર કરાયો નથી. ઉલ્લેખનીય છે કે હાલમાં જ ભારે ભૂકંપના એક પછી એક 6 આંચકાને પગલે અફઘાનિસ્તાનમાં 4000થી વધુ લોકો મૃત્યુ પામી ગયા હતા. સેંકડો લોકો ઘાયલ થયા હતા.
