વિન્ટર ડીપ્રેશન : હવામાન બદલાય ત્યારે તમારો મૂડ પણ બદલાઈ શકે છે

અત્યારે રાજકોટ જ નહી પણ સમગ્ર સૌરાષ્ટ્ર-ગુજરાતમાં શિયાળાના પગરવ સંભળાઈ રહ્યા છે. ઠંડીનું ધીમા પગલે આગમન થઇ રહ્યું છે અને તેનો અણસાર પણ અનુભવાઈ રહ્યો છે. આવા વાતાવરણની આપણા ઉપર ઘણી વખત વિપરીત અસર થતી હોય છે. ડિપ્રેશનની સમસ્યા માત્ર ચિંતા અને તણાવને કારણે જ નહીં પરંતુ બદલાતા હવામાનને કારણે પણ થઈ શકે છે. આ સમસ્યાને SAD એટલે કે સિઝનલ અફેક્ટિવ ડિસઓર્ડર કહેવામાં આવે છે. આ સમસ્યાને વિન્ટર ડીપ્રેશન પણ કહેવામાં આવે છે.

ઘણી વખત વ્યક્તિ લાંબા સમય સુધી તણાવ અને ચિંતાને કારણે ડિપ્રેશનમાં આવી જાય છે પરંતુ શું તમે જાણો છો કે હવામાનના મૂડમાં બદલાવને કારણે કેટલાક લોકોને ડિપ્રેશનની સમસ્યાનો સામનો કરવો પડે છે. હા, તમે તે બિલકુલ સાચું વાંચ્યું છે. ડિપ્રેશન માટે માત્ર તણાવ જ નહીં પરંતુ હવામાન પણ જવાબદાર છે. તબીબી ભાષામાં, આ સમસ્યાને SAD એટલે કે સિઝનલ અફેક્ટિવ ડિસઓર્ડર કહેવામાં આવે છે.

સીઝનલ ઈફેક્ટિવ ડિસઓર્ડર શું છે?
નિષ્ણાંતોના મતે જેમ જેમ હવામાન બદલાય છે. તાપમાન ઘટતાની સાથે જ લોકો આ સમસ્યાનો શિકાર થવા લાગે છે. તેને વિન્ટર ડિપ્રેશન તરીકે પણ ઓળખવામાં આવે છે. આ સમસ્યાથી પીડિત વ્યક્તિમાં ઘણા ફેરફારો જોવા મળે છે. જેમ કે દરેક સમયે નિરાશા અને ઉદાસી રહે છે. ગુસ્સો, ચીડિયાપણું, સ્ટ્રેસ કબજે કરવા માંડે છે અને આખા શિયાળા સુધી આવું જ રહે છે. ઉનાળાની ઋતુ આવતાની સાથે જ બધુ પહેલા જેવું થઈ જાય છે.ઠંડીની ઋતુ આવતા જ ઘણી વખત લોકો ચિડાઈ જાય છે અને ગુસ્સે થઈ જાય છે, તો તેની પાછળનું કારણ છે સિઝનલ અફેક્ટિવ ડિસઓર્ડર.

આવું થવાના કારણો
નિષ્ણાતોના મતે શિયાળાની ઋતુમાં સૂર્યપ્રકાશના સંપર્કમાં ન આવવાને કારણે સિઝનલ અફેક્ટિવ ડિસઓર્ડર થાય છે. વાસ્તવમાં, જ્યારે તમે સૂર્યપ્રકાશના સંપર્કમાં હોવ છો, ત્યારે તમારા શરીરમાં વિટામિન ડીનું સ્તર જળવાઈ રહે છે અને આ વિટામિન ડી સુખી હોર્મોન એટલે કે સેરોટોનિનની પ્રવૃત્તિને પ્રોત્સાહન આપે છે. જ્યારે શરીરમાં વિટામિન ડીની ઉણપ હોય છે, ત્યારે સેરોટોનિન યોગ્ય રીતે કામ કરતું નથી, જે મૂડ સ્વિંગ, ચીડિયાપણું અને ઉદાસી તરફ દોરી જાય છે.

નિષ્ણાતોના મતે, આ સમસ્યાનો ઉપચાર એન્ટી-ડિપ્રેસન્ટ દવાઓની સાથે લાઇટ થેરાપી, વિટામિન ડી સપ્લિમેન્ટ અને કાઉન્સેલિંગ દ્વારા કરી શકાય છે. આ સિવાય તમે કસરત, યોગ્ય જીવનશૈલી અને સંતુલિત આહારનું સેવન કરીને આ સમસ્યાથી પોતાને બચાવી શકો છો.