પેટના દુખાવા તેમજ અપચાને ન ગણવા સામાન્ય, થઇ શકે છે ગંભીર રોગ !
ગૈસ્ટ્રોઈન્ટેસ્ટાઇનલ કેન્સર ( પેટના આંતરડા અથવા પેટનું કેન્સર ) ભારતમાં થનાારા કેન્સરમાં 4થા ક્રમાંક પર
સામાન્ય રીતે આપણે નાના દુખાવાને ગણકારતા હોતા નથી. ત્યારે ડૉકટરોનું કહેવું છે કે પેટના દુખાવાને સામાન્ય ન ગણવો જોઇએ. ગૈસ્ટ્રોઈન્ટેસ્ટાઇનલ કેન્સર ( પેટના આંતરડા અથવા પેટનું કેન્સર ) ભારતમાં થનાારા કેન્સરમાં 4માં ક્રમાંક પર છે. જેનો ભોગ ઘણાં લોકો બની ચૂક્યા છે અને બની પણ રહ્યા છે. સ્ત્રીઓની સરખામણીમાં આ કેન્સર પુરુષોને વધુ અસર કરે છે.
ડૉકટરના કહેવા પ્રમાણે, GI કેન્સરમાં સામાન્ય રીતે શરુઆતમાં દર્દીઓમાં અસામાન્ય લક્ષ્ણ જોવા મળે છે, જેમ કે પેટનો દુખાવો, અસહજતા, વારંવાર અપચો રહેવો, મળક્રિયામાં અનિયમીતતા અનુભવી. પછી તે ધીમા ઝેરની જેમ વધતું જાય છે અને શરીરના આંતરીક અંગોને અસર કરે છે જેમ કે, મોટું આંતરડું, મુત્રાશય, અન્નળી, પાંચક ગ્રંથી જેવા અંગોને અસર કરે છે.
એક તબીબે કહ્યું કે, ” આપણે GI કેન્સરની પ્રકૃતિને સમજવા માટે તેમજ લોકોને જાગૃત કરવા માટે કાર્યક્રમો બનાવવાની જરુર છે. GI કેન્સરને સ્ક્રીનીંગ, કોલોનોસ્કોપી અને એનબીઆઇ એન્ડોસ્કોપીની મદદથી ઝડપથી ઓળખાઇ શકાય છે. આ ઉપરાંત પિતાશયની થૈલીના કેન્સરને પણ ઝડપથી પકડી શકાય છે પરંતુ સામાન્ય સાધનો કે રુટીન ચેકઅપની મદદથી તે સંભવ નથી.
તેમણે કહ્યું કે, GI કેન્સરના રોગની સ્થિતી અને લક્ષ્ણો અલગ અલગ હોઇ શકે છે. જેમાં ઓળખ કરવા માટે તે ક્યાં પ્રકારનું કેન્સર છે તે માટે દર્દીઓએ જલ્દી ઇલાજ કરાવવો આવશ્યક બની રહે છે. કોલનગિયોસ્કોપીની મદદથી ડૉકટર પિતાશયની થેલીને જોઇ શકે છે. એમાંથી તે શરીરમાં રહેલા પદાર્થ અને પ્રવાહીમાંથી કેન્સરની જડ સુધી પહોંચી શકે છે અને તેનો ઇલાજ શરુ કરી શકે છે. આ પ્રક્રિયામાં 1 MM જેવડા વીડિયો કેમેરાની સાથે પાતળી અને લચીલી નળીનો ઉપયોગ કરીને સાવધાનીપૂર્વક પિતાશય થેલીની અંદર નાખીને તેનું પરિક્ષણ કરે છે.
અન્ય એક જાણકારી અનુસાર, કોઇપણ કેન્સરના ઇલાજ કરવા માટે તેની જાણ વહેલા થઇ જાય તે જરુરી છે, જેથી તેનો ઇલાજ સારી રીતે થાય અને પરિણામ પણ સારુ મળી શકે. પરંતુ મુશ્કેલી એ જ છે કે તેની જાણ લોકોને જલ્દી થતી નથી તેની જાણ ત્યારે જ થાય છે ત્યારે તે બીજા કે ત્રીજા સ્ટેજમાં પહોંચી જાય. પરંતુ ડૉકટરોને આધુનિક ટેક્નોલોજીનો લાભ મળતો હોવાથી તેઓ સમયસર લોકોનો ઇલાજ કરી શકે છે અને કેન્સરના દર્દીને બચાવી શકે છે. જોકે સામાન્ય રીતે આધુનિક ટેક્નોલોજીનો લાભ સૌ કોઇને મળતો નથી તે દુ:ખની વાત છે.
