એપ્રિલના બીજા સપ્તાહમાં જુઓ દમદાર કન્ટેન્ટ સાથેની ફિલ્મ-વેબ સિરીઝ

ગરમીની સિઝનમાં ઓટીટી પ્લેટફોર્મ પર રિલીઝ થઈ રહી છે સસ્પેન્સથી લઈને મનોરંજનથી ભરપૂર ફિલ્મો

એપ્રિલનો આખો મહિનો દર્શકો માટે મનોરંજનથી ભરપૂર છે. આ અઠવાડિયાએ ઓટીટી પ્લેટફોર્મ પર દમદાર કન્ટેન્ટ આવી રહ્યા છે. જો ગરમીની આ સિઝનમાં તમે ઘર બેઠા પરિવાર સાથે સમય વિતાવવા માંગો છો તો આ સમાચાર તમારા માટે છે. કારણે આ અઠવાડિયે ઓટીટી પર એવી વેબ સિરીઝ અને ફિલ્મો રિલીઝ થઈ રહી છે કે જેને જોવા માટે તમારી પાસે સમય ઓછો પડશે.

આ સપ્તાહમાં ઓટીટી પ્લેટફોર્મ પર રિલીઝ થનારી વેબ સિરીઝ અને ફિલ્મોના નામ જાણી લો.

સાઇલન્સ-૨

સાઇલન્સ-૨ એક સસ્પેન્સ થ્રિલર ફિલ્મ છે. જેમાં મનોજ વાજપેયી એસીપી અવિનાશ વર્માના પાત્રમાં નજર આવશે. આ એક સાચી વાર્તા પર આધારિત ફિલ્મ છે. મનોજ વાજપેયી ઉપરાંત પ્રાચી દેસાઇ પણ આ ફિલ્મમાં છે. મનોજ વાજપેયી ૩ વર્ષ બાદ અવિનાશ શર્મા બનીને ઓટીટી પર આવી રહ્યા છે. આ ફિલ્મ ૧૬મી એપ્રિલે જી-૫ પર રિલીઝ થશે.

અમરસિંહ ચમકીલા

અમરસિંહ ચમકીલા ૧૨ એપ્રિલે નેટફલિકસ પર રિલીઝ થશે. ઇમ્તિયાઝ અલી દ્વારા નિર્દેશિત આ ફિલ્મ અમરજીત કૌરની વાર્તા પર આધારિત છે. આ ફિલ્મમાં દિલજીત દોસાંજ અને પરિણીતી ચોપડા લીડ રોલમાં જોવા મળશે.

અદ્રશ્યમ

અદ્રશ્યમ એક વેબ સિરીઝ છે. જેમાં એક સુપર હિરોનો સમૂહ સામાન્ય લોકોના રૂપમાં દેશની રક્ષા કરે છે. આ વેબ સિરીઝ ૧૧ એપ્રિલે સોની લિવ પર રિલીઝ થવાની છે.  

બ્લડ ફ્રી

આ વેબ સિરીઝ સસ્પેન્સ અને મનોરંજક વાર્તાઓથી ભરપૂર વેબ સિરીઝ છે. જે તા.૧૦ એપ્રિલે ડિઝની હોટ સ્ટાર પર રિલીઝ થશે.