અનુપમ ખેરની ઓફીસમાં તસ્કરોનો તરખાટ : આ વસ્તુઓની કરી ચોરી, જુઓ વિડીયો
સામાન્ય માણસોના ઘરે ચોરી થાય એવી અનેક વાતો તો આપણે સાંભળી જ હશે પરંતુ બોલીવુડ સ્ટારની ઓફીસ કે ઘરમાં ચોરી એ વાત થોડી આશ્ચર્યજનક લાગે ત્યારે બોલિવૂડ એક્ટર અનુપમ ખેર વિશે એક મોટા સમાચાર સામે આવી રહ્યા છે. વીરા દેસાઈ રોડ પર આવેલી અભિનેતાની ઓફિસમાં ચોરોએ ઘૂસીને તોડફોડ કરી હતી. અનુપમ ખેરે પોતે સોશિયલ મીડિયા પોસ્ટ દ્વારા આ ઘટનાનો ઉલ્લેખ કર્યો છે. તેણે કહ્યું કે 19 જૂનના રોજ બે ચોર તેની ઓફિસમાં ઘૂસી ગયા હતા અને ત્યાં હાજર ફિલ્મના નેગેટિવની ચોરી કરી હતી. તેણે આ મામલે પોલીસ સ્ટેશનમાં ફરિયાદ નોંધાવી છે.
અનુપમ ખેરની ઓફિસમાં ચોરી
અનુપમ ખેરે ઈન્સ્ટાગ્રામ પર એક વીડિયો શેર કર્યો છે. વીડિયોમાં તેમની ઓફિસનો દરવાજો ખરાબ હાલતમાં જોવા મળી રહ્યો છે. પોસ્ટ શેર કરતી વખતે, અભિનેતાએ જણાવ્યું હતું કે, બુધવારે ચોરો મુંબઈમાં તેની ઓફિસમાં ઘૂસ્યા હતા અને ઓફિસની મહત્વપૂર્ણ વસ્તુઓની ચોરી કરી હતી. તેઓ લખે છે – બે ચોર વીરા દેસાઈ રોડ પર આવેલી મારી ઓફિસમાં ઘૂસ્યા અને ઓફિસના બે દરવાજા તોડી નાખ્યા. તેઓએ એકાઉન્ટ ડિપાર્ટમેન્ટમાંથી આખી સેફ જે કદાચ તેઓ તોડી શક્યા ન હતા) અને અમારી કંપની દ્વારા નિર્મિત ફિલ્મના નેગેટીવ જે એક બોક્સમાં હતા તેની ચોરી કરી છે ત્યારે આ મામલે અમારી ઓફિસે એફઆઈઆર નોંધાવી છે.
તેણે આગળ લખ્યું કે પોલીસે ખાતરી આપી છે કે ચોરોને બહુ જલ્દી પકડી લેવામાં આવશે. કારણ કે સીસીટીવી કેમેરામાં બંને પોતાના સામાન સાથે ઓટોમાં બેઠેલા જોવા મળ્યા હતા. ભગવાન તેમને સદબુદ્ધિ આપે. આ વિડીયો પોલીસના આગમન પહેલા મારી ઓફિસના લોકોએ બનાવ્યો હતો.
ચાહકો થયા પરેશાન
અનુપમ ખેરની પોસ્ટ જોઈને ફેન્સ પરેશાન થઈ ગયા છે. એક ચાહકે કહ્યું કે ભગવાન ચોરોને બુધ્ધિ આપે. ઘણા પૂછે છે કે સાહેબ, ઓફિસમાંથી પણ પૈસાની ચોરી થઈ છે? ઘણા લોકોએ અભિનેતાને હિંમત આપતા કહ્યું કે ચિંતા ન કરો, ચોર ટૂંક સમયમાં જ દુનિયાની સામે આવશે. અનુપમ ખેરની ઓફિસમાં થયેલી ચોરીએ બધાને ચોંકાવી દીધા છે. ચાલો આશા રાખીએ કે ચોરો જલ્દી પકડાઈ જશે.
