“ત્રિભુવન મિશ્રા સીએ ટોપર”નું ટ્રેલર થયું રિલીઝ

એક્શન, કોમેડી, સસ્પેન્સથી ભરેલી ફિલ્મ રિલીઝ થશે નેટફલિકસ પર

એક જબરદસ્ત વાર્તા અને મજેદાર કોમેડી ફિલ્મ જોવા માટે તૈયાર થઈ જાવ. તે પણ એક શાનદાર કલાકારોની ફોજ સાથે. અમે વાત કરી રહ્યા છીએ “ત્રિભુવન મિશ્રા સીએ ટોપર”ની. જેનું ટ્રેલર રિલીઝ કરી દેવામાં આવ્યું છે. આ ફિલ્મ આ મહિને જ ઓટીટી પેલટફોર્મ પર રિલીઝ થવા માટે તૈયાર છે.

પોતાના દમદાર અભિનયથી બધાના દિલ જીતનાર અભિનેતા માનવ કૌલ નવી ફિલ્મ લઈને આવી રહ્યા છે. જેનું નામ છે “ત્રિભુવન મિશ્રા સીએ ટોપર”. પોતાના નામની જ આ ફિલ્મની વાર્તા પણ અલગ છે. આ ફિલ્મનું ટ્રેલર રિલીઝ કરી દેવામાં આવ્યું છે સાથે તેની રિલીઝ ડેટ પણ. ફિલ્મનું ટ્રેલર 2 મિનિટ 5 સેકન્ડનું છે જે તમને હસવા પર મજબૂર કરશે. તો સસ્પેન્સ એવું છે કે, તમારા હોશ ઉડાવી દેશે. કોઈ સીએ ટોપર છે જે એકદમ આઇડલ કર્મચારી છે.

આ કર્મચારી મહિલાઓને એક અલગ પ્રકારની સર્વિસ આપે છે. તે ત્યારે ફસાય છે જ્યારે એક મહિલાના પતિને શંકા જાય છે. તે મહિલાનો પતિ ગેંગસ્ટર હોય છે. બસ પછી શું, ધડાધડ ફાયરિંગ, એક્શન અને વાર્તામાં ટ્વીસ્ટ. એક વ્યક્તિ અને અનેક ફેન. કોણ છે ત્રિભુવન મિશ્રા સીએ ટોપર? તે તો તમને 18 જુલાઇએ જ ખબર પડશે જ્યારે ફિલ્મ નેટફલિકસ પર રિલીઝ થશે.