The Legend of Hanuman નાં ફેન્સની આતુરતાનો અંત : હનુમાન જયંતી પર ચોથી સિઝનની જાહેરાત
આજે દેશભરમાં હનુમાન જયંતિના પાવન પર્વની ધામધૂમથી ઉજવણી થઈ રહી છે. ત્યારે આજના આ પાવન પર્વ પર the legend of Hanuman સીરીઝની ચોથી સીઝનની જાહેરાત કરવામાં આવી છે. ગત સિઝનની અપાર સફળતા બાદ હવે હનુમાન જયંતિના અવસર પર આ શ્રેણીની ચોથી સિઝનની જાહેરાત કરવામાં આવી છે. આ તમામ ઉંમરના લોકોની મનપસંદ શ્રેણી છે.
આ વેબ સિરીઝની ચોથી સીઝનનો ટીઝર વીડિયો ડિઝની પ્લસ હોટસ્ટારની યુટ્યુબ ચેનલ પર શેર કરવામાં આવ્યો છે . આ જોઈને ચાહકોની સીરીઝ જોવા માટેની આતુરતા ઘણી વધી ગઈ છે. છેલ્લી સીઝન મુજબ હનુમાનજીની કથાને વધુ શાનદાર રીતે રજૂ કરવામાં આવશે.
‘ધ લિજેન્ડ ઑફ હનુમાન’ શ્રેણીની ચોથી સિઝનની જાહેરાતથી ચાહકો ખૂબ જ ખુશ અને ઉત્સાહિત છે. તમે ડિઝની પ્લસ હોટસ્ટાર પર આ શ્રેણીના તમામ પ્રથમ ભાગો જોઈ શકો છો, પરંતુ આ શ્રેણીની ચોથી સિઝન ક્યારે બતાવવામાં આવશે તેની હજુ સુધી જાહેરાત કરવામાં આવી નથી. તે નિશ્ચિત છે કે તે ડિઝની પ્લસ હોટસ્ટાર પર જ બતાવવામાં આવશે.
બોલિવૂડ અભિનેતા શરદ કેલકર તેના દમદાર અભિનયની સાથે સાથે તેના બુલંદ અવાજ માટે ખૂબ જ લોકપ્રિય છે. શરદે ‘ધ લિજેન્ડ ઓફ હનુમાન’ વેબ સિરીઝની છેલ્લી સીઝનમાં નેરેટર તરીકે પોતાના અવાજથી બધાનું દિલ જીતી લીધું છે. હવે તે આ સિઝનના ચોથા ભાગમાં પોતાના અવાજનો જાદુ ફેલાવતો જોવા મળશે.
હનુમાનજીની અદભૂત શક્તિ અને બહાદુરીને ટીઝરમાં દર્શાવવામાં આવી છે. શરદ કેલકરે ટીઝરમાં ભગવાન હનુમાનને પોતાનો અવાજ આપ્યો છે, નિર્માતાઓએ હજી સુધી નવી સીઝનની રિલીઝ તારીખ જાહેર કરી નથી. પરંતુ, ટીઝર રિલીઝ થયા બાદથી દર્શકોમાં આ સિઝનને લઈને ઘણી ઉત્સુકતા છે.
