અઘોર વિષય પર બનેલી ફિલ્મ ‘ગામી’ ઓટીટી પર રિલીઝ થવા તૈયાર

સાઉથની આ ફિલ્મને બનતા લાગ્યા હતા ૬ વર્ષ: ફિલ્મમાં આવતા વળાંક તમને આખી ફિલ્મ જોવા કરશે મજબૂર

સાઉથની એક ફિલ્મ કે જેને બનવામાં ૬ વર્ષ જેટલો સમય લાગ્યો હતો. તાજેતરમાં જ આ ફિલ્મ થિયેટરમાં રિલીઝ થઈ હતી અને હવે તે ઓટીટી પ્લેટફોર્મ પર રિલીઝ થવા જઈ રહી છે. આ ફિલ્મ છે ‘ગામી’. ગામી ફિલ્મ અઘોર વિષય પર બની છે. જે દર્શકોને ખૂબ જ પસંદ આવશે.

થોડા દિવસો પહેલા થિયેટરમાં રિલીઝ થયેલી ફિલ્મ ગામીની વાર્તા અને ફિલ્માંકનની ખુબ ચર્ચા થઈ હતી. આ ફિલ્મમાં વિશ્વાક સેન અને ચાંદની ચૌધરી લીડ રોલમાં છે. જ્યારે ફિલ્મની વાર્તા પણ સાવ અલગ છે. આ ફિલ્મમાં અઘોર વિષય ઉઠાવવામાં આવ્યો છે. જ્યારે એક્ટર વિશ્વાકની એક્ટિંગને ખૂબ જ પસંદ કરવામાં આવી છે.

‘ગામી’ ફિલ્મનું નિદર્શન વિદ્યાધર કાગીતાએ કર્યું છે. ફિલ્મને લઈને ખબર આવી છે કે, ૧૨ એપ્રિલે આ ફિલ્મ ઓટીટી પ્લેટફોર્મ પર રિલીઝ કરવામાં આવી શકે છે. રિપોર્ટસનું માનવામાં આવે તો ફિલ્મ ઓટીટી પ્લેટફોર્મ ઝી-૫ પર રિલીઝ થઈ શકે છે. ફિલ્મની વાર્તાની વાત કરવામાં આવે તો વિશ્વાક આ ફિલ્મમાં શંકરના રોલમાં છે. જે અઘોર છે. તે માળીના પાંદડાની શોધમાં છે. તેને એક એવી બીમારી છે જેની માળી વૃક્ષના પાંદડાથી સારવાર સંભવ છે. આ પાંદડા ૩૬ વર્ષે બહાર આવે છે. જે હિમાલયની દ્રોણાગીરી પહાડિયોમાં છે. જો સમયસર શંકર તેની સફર પૂર્ણ નહી કરે તો તેને ફરી ૩૬ વર્ષ સુધી રાહ જોવી પડશે. આ ફિલ્મમાં અનેક વળાંક આવે છે જે તમને ફિલ્મ જોવા મજબૂર કરી દેશે.