થિયેટર પહેલા ‘કલ્કિ ૨૮૯૮ એડી’નું એનિમેટેડ વર્ઝન ઓટીટી પર થશે રિલીઝ
આ ફિલ્મમાં પ્રભાસ, દિપીકા પાદુકોણ, કમલ હસન સહિતના સ્ટાર મળશે જોવા
વોઇસ ઓફ ડે,
સાઉથ સ્ટાર પ્રભાસની આ વર્ષની સૌથી મોટી ફિલ્મ આવી રહી છે ‘કલ્કિ ૨૮૯૮ એડી’. આ ફિલ્મને લઈને હવે એક નવા સમાચાર આવી રહ્યા છે કે, ફિલ્મ થિયેટરમાં આવે તે પહેલા તેનું એનિમેટેડ વર્ઝન ઓટીટી પર રિલીઝ થશે.
પ્રભાસની ફિલ્મ ‘કલ્કિ ૨૮૯૮ એડી’મા પ્રભાસ સાથે દિપીકા પાદુકોણ, અમિતાભ બચ્ચન જેવા મોટા સ્ટાર પણ નજર આવશે. આ ફિલ્મ થિયેટરમાં આ વર્ષે ૨૭ જૂનના રોજ રિલીઝ થવાની છે પરંતુ તે પહેલા તેનું એનિમેટેડ વર્ઝન ઓટીટી પર રિલીઝ કરી દેવામાં આવશે.
રિપોર્ટ્સનું માનવામાં આવે તો ફિલ્મના એનિમેટેડ વર્ઝનમાં કુલ ૪ એપિસોડ હશે. જેમાં પ્રભાસના પાત્રને ખુદ અભિનેતા પ્રભાસ પોતાનો આવાજ આપી રહ્યા છે. નાગ અશ્વિનના ડાયરેક્શનમાં બનેલી આ ફિલ્મમાં દિશા પટણી અને કમલ હસન પણ જોવા મળશે. જો કે, ઓટીટી પ્લેટફોર્મ પર ‘કલ્કિ ૨૮૯૮ એડી’નું એનિમેટેડ વર્ઝન કયારે રિલીઝ થશે? તે અંગે સત્તાવાર હજુ કોઈ જાણકારી સામે આવી નથી.
