મુન્નાભૈયા જોવા મળશે એક નવી વેબ સિરીઝમાં : જાણો ક્યારે અને ક્યાં થશે રિલીઝ
- મિર્ઝાપૂરના મુન્નાભૈયા જોવા મળશે એક નવી વેબ સિરીઝમાં
વોઇસ ઓફ ડે,
વેબ સિરીઝ મિર્ઝાપૂરમાં પોતાની દમદાર એક્ટિંગથી અલગ ઓળખ ઉભી કરનાર દિવ્યેન્દુ શર્મા હવે એક નવા પાત્રમાં નજર આવશે. આ સિરીઝ ક્યારે અને ક્યા રિલીઝ થશે? ચાલો જાણીએ.
પ્રેમ મિસ્ત્રી દ્વારા નિદર્શિત સ્લાઈસ ઓફ લાઈફ કોમેડી સિરીઝ “લાઈફ હિલ ગઈ”માં કુશા કપિલા અને દિવ્યેન્દુ શર્મા નજર આવશે. અપકમિંગ સિરીઝમાં કુશાને કલ્કિ અને દિવ્યેન્દુને દેવના પાત્રમાં દેખાડવામાં આવ્યા છે. તેમની સાથે આ સિરીઝમાં વિનય પાઠક, મુક્તિ મોહન અને અન્ય કલાકારો પણ સામેલ છે.
દિવ્યેન્દુએ કહ્યું કે, તે “લાઈફ હિલ ગઈ” સાથે પોતાની કોમેડીથી દર્શકોને વધુ એક સરપ્રાઈઝ દેવા માંગતા હતા. તેણે આગળ કહ્યું કે, જ્યારે તમે “લાઈફ હિલ ગઈ” જોશો તો તમને ભાઈ-બહેનોના ઝઘડા, પ્રેમ અને નફરતના સબંધ અને ભાઈ-બહેનો વચ્ચે થતી લડાઈની યાદ આવશે. અમે આ સિરીઝના શૂટિંગનો ભરપૂર આનંદ લીધો હતો અને મને વિશ્વાસ છે કે સ્ક્રીન પર પણ તેવું જ થશે અને અમે બધા તેની આતુરતાથી રાહ જોઈ રહ્યા છીએ.
હિમશ્રી ફિલ્મ્સની નિર્માતા આરુષિ નિશંકે કહ્યું હતું કે, સિરીઝ “લાઈફ હિલ ગઈ” એક કોમેડી ડ્રામા છે. અમારો ઉદ્દેશ્ય એક એવી દુનિયાની રચનાનો હતો કે જે, ભરોસાપાત્ર અને હળવીફૂલ હોય. આ સિરીઝ ડિઝની પ્લસ હોટસ્ટાર પર સ્ટ્રીમ થશે. જો કે હજુ સુધી તેની તારીખ જાહેર કરાઇ નથી.
