કાર્તિક આર્યનની “ચંદુ ચેમ્પિયન” ઓટીટી પર રિલીઝ થવા તૈયાર
એમેઝોન પ્રાઇમ વિડીયોએ મેળવ્યા રાઇટ્સ! ઓગસ્ટ સુધીમાં આવે તેવી ચર્ચા
કાર્તિક આર્યનની ફિલ્મ “ચંદુ ચેમ્પિયન” ભલે બોક્સ ઓફિસ પર સારું પર્ફોમન્સ ન કરી શકી હોય પરંતુ આ ફિલ્મમાં કાર્તિક આર્યનના ખૂબ વખાણ થયા હતા. હવે આ ફિલ્મ ઓટીટી પ્લેટફોર્મ પર આવવા તૈયાર છે. એવું જાણવા મળી રહ્યું છે કે, આ ફિલ્મ ઓટીટી રાઇટ્સ એમેઝોન પ્રાઇમ વિડીયોએ ખરીદ્યા છે.
કાર્તિક આર્યન સ્ટારર ફિલ્મ “ચંદુ ચેમ્પિયન” વર્ષ 2024ની સૌથી વધુ રાહ જોવાયેલી ફિલ્મ હતી. આ ફિલ્મને ક્રિટિક્સ અને દર્શકો તરફથી ઘણો પોઝિટવ રિસ્પોન્સ મળ્યો હતો. પરંતુ બોક્સ ઑફિસ પર ધાર્યો બિઝનેશ ન કરી શકી. હવે ફેન્સ તેની ઓટીટી રિલિઝની આતુરતાથી રાહ જોઈ રહ્યા છે. સાજીદ નડિયાદવાળા દ્વારા નિર્મિત ફિલ્મ ચંદુ ચેમ્પિયન સાથે કાર્તિક આર્યને મોટા પડદા પર વાપસી કરી હતી. આ ફિલ્મ ભારતના પહેલા પેરાલિમ્પિક ગોલ્ડ મેડલ વિજેતા મુરલીકાંત પેટકરની ઇન્સ્પાયરિંગ સ્ટોરી પર આધારિત છે.
જે લોકોએ આ ફિલ્મ થિયેટરમાં નથી જોઈ તેઓ હવે ઓટીટી પર તેની રિલિઝની રાહ જોઈને બેઠા છે. રિપોર્ટ્સનું માનવામાં આવે તો એમેઝોન પ્રાઇમ વિડીયોએ ચંદુ ચેમ્પિયનના રાઇટ્સ મેળવ્યા છે. આ ફિલ્મ પણ થ્રીએટિકલ પ્રીમિયારના અંદાજે બે મહિના બાદ એટલે કે, જુલાઇના અંત અથવા ઓગસ્ટની શરૂઆતમાં ઓટીટી પર રિલીઝ થશે. જો કે નિર્માતા દ્વારા સત્તાવાર તારીખ હજુ જાહેર કરવામાં આવી નથી.
