સરકારે OTT ક્ષેત્રે ઝુકાવ્યુ : પ્રસાર ભારતીનું પ્લેટફોર્મ વેવ્સ લોન્ચ

૧૨ ભાષાઓમાં સમાચાર અને મનોરંજન એકસાથે ઉપલબ્ધ

ઓટીટી પ્લેટફોર્મની લોકપ્રિયતા હવે સરકારને પણ ગળે ઉતરી ગઈ છે અને સરકારના જ પ્રચાર વિભાગ પ્રસાર ભારતીએ પોતાનું ઓટીટી પ્લેટફોર્મ ‘ વેવ્સ’ લોન્ચ કર્યું છે.

એન્ડ્રોઇડ અને iOS પર ઉપલબ્ધ એપનો ઉદ્દેશ્ય ‘વેવ્સ – ધ ન્યૂ વેવ ઓફ ફેમિલી એન્ટરટેઇનમેન્ટ’ ટેગલાઇન હેઠળ વિવિધ સામગ્રી પ્રદાન કરવાનો છે. ઈન્ટરનેશનલ ફિલ્મ ફેસ્ટિવલ ઓફ ઈન્ડિયા (IFFI) ના ઉદ્ઘાટન સમારોહમાં ગોવાના મુખ્ય પ્રધાન પ્રમોદ સાવંત દ્વારા પ્લેટફોર્મ લોન્ચ કરવામાં આવ્યું હતું.

મુખ્યમંત્રીએ લોન્ચિંગ દરમિયાન કહ્યું હતું કે “મંચ પર વિવિધ ભાષાઓ, ખાસ કરીને કોંકણીમાં ફિલ્મો અને સામગ્રીની વિવિધતા જોઈને હું ખૂબ જ ખુશ છું.” તેમજ તેમણે ભારતીય મનોરંજન ઉદ્યોગ માટે આ એક મહત્વપૂર્ણ ક્ષણ હોવાની વાત કરી હતી.

‘વેવ્સ’ હિન્દી, અંગ્રેજી, મરાઠી, તમિલ અને આસામી સહિત 12 થી વધુ ભાષાઓમાં ઇન્ફોટેનમેન્ટ, ગેમિંગ, એજ્યુકેશન અને શોપિંગ જેવી શૈલીઓમાં સામગ્રી પ્રદાન કરે છે. આમાં ONDC સાથે સહયોગમાં 65 લાઇવ ટીવી ચેનલો, વિડિયો-ઓન-ડિમાન્ડ, ફ્રી-ટુ-પ્લે ગેમ્સ અને ઓનલાઇન શોપિંગનો પણ સમાવેશ થાય છે. માહિતી અને પ્રસારણ મંત્રાલયના સચિવ સંજય જાજુએ કહ્યું,’વેવ્સ ઓટીટી એ સરકારના ડિજિટલ ઈન્ડિયા વિઝનમાં એક મહત્વપૂર્ણ પગલું છે. તે ભારતનેટ દ્વારા ગ્રામીણ પ્રેક્ષકોને સામગ્રીની ઍક્સેસ પ્રદાન કરીને ડિજિટલ મીડિયા અને મનોરંજન વચ્ચેના અંતરને દૂર કરે છે.

પ્રસાર ભારતીના ચેરમેન નવનીત કુમાર સેહગલે જણાવ્યું હતું કે ‘વેવ્સ’ને કુટુંબ-મૈત્રીપૂર્ણ મનોરંજન, શિક્ષણ અને ખરીદી માટે ‘વન-સ્ટોપ હબ’ તરીકે ડિઝાઇન કરવામાં આવી છે. તેમણે કહ્યું, ‘તે ભારતના સમૃદ્ધ સાંસ્કૃતિક વારસાને દર્શાવતી વખતે પરિવારો, બાળકો અને યુવાનો માટે સ્વચ્છ સામગ્રી પ્રદાન કરે છે.’ પ્લેટફોર્મમાં B4U, SAB ગ્રુપ અને 9X મીડિયા જેવા મનોરંજન નેટવર્ક સહિત 38 લાઈવ ચેનલ્સ હશે. ઘણી ન્યૂઝ ચેનલો પણ આમાં સામેલ છે. દૂરદર્શન અને ઓલ ઈન્ડિયા રેડિયોની તમામ ચેનલો નવા લોન્ચ થયેલા OTT પ્લેટફોર્મ પર પણ બતાવવામાં આવશે. લાઇવ ચેનલો ઉપરાંત, વેવ્સ મૂવીઝ, ગેમ્સ અને લાઇવ ઇવેન્ટ્સ માટે સમર્પિત વિભાગો સહિત વિવિધ માંગ પરની સામગ્રી પણ દર્શાવશે. આ પ્લેટફોર્મનું સત્તાવાર લોન્ચ IFFI ખાતે થયું હતું. આ વર્ષની શરૂઆતમાં પ્રસાર ભારતીએ ટીવી ચેનલોને પ્લેટફોર્મ સાથે જોડાવા આમંત્રણ આપ્યું હતું.

વેવ્સ પર કઈ લાઈવ ચેનલ હશે

ડીડી ઈન્ડિયા
ડીડી કિસાન
ડીડી ન્યૂઝ
ડીડી ભારતી
b4u ભોજપુરી
b4u કડક
b4u સંગીત
9XM સંગીત
દિવ્યા
પિટારા મૂવીઝ