ભૂલથી પણ આ ફિલ્મો એકલામાં ન જોતાં, નહી તો હાલ ખરાબ થઈ જશે

એક થી એક ચઢિયાતી ફિલ્મ-વેબ સિરીઝ જોઈ તમારો છૂટી જશે પરસેવો

ઓટીટી પ્લેટફોર્મ પર ઘણા પ્રકારની હોરર ફિલ્મો અને સિરીઝ છે. જેમાં કેટલીક ફિલ્મો જોઈને તમારી ઉંધ ઉડી જશે તો કેટલીક ફિલ્મો જોઈને તમને હસવું આવશું. પણ કેટલીક હોરર ફિલ્મો એવી છે કે જે જોઈને લોકોને પોતાની આસપાસ ભૂત-પ્રેત હોવાનો અનુભવ થાય. જો તમે એક્શન અને રોમેંટિક ફિલ્મો ઉપરાંત હોરર ફિલ્મ જોવાનો શોખ હોય તો આજે અમે તમારા માટે કઈક આવી જ ફિલ્મો લઈને આવ્યા છીએ.

હોન્ટેડ હાઉસ

બોલીવુડની સૌથી ડરામણી ફિલ્મોમાંથી એક ‘હોન્ટેડ હાઉસ’ની વાર્તા નવ પરણિત દંપતી પર આધારિત છે. જે પહાડો પર પોતાના હનીમૂન માટે જાય છે પરંતુ એક દુર્ઘટનામાં ફસાઈ જાય છે. આ ફિલ્મનું નિદર્શન સંજીવ કુમાર રાજપૂતે કર્યું છે. જ્યારે ફિલ્મમાં ડાયના ખાન, સુરેન્દ્ર પાલ સિંહ, ગેવી ચહાલી નજર આવશે. આ ફિલ્મ તમે એમેઝોન પ્રાઇમ વિડીયો પર જોઈ શકશે.

1920: હોરર્સ ઓફ ધ હાર્ટ

બોલીવુડમાં અનેક પ્રકારની હોરર ફિલ્મ અને સિરીઝ બની છે. પરંતુ કેટલાક મહિના પહેલા રિલીઝ થયેલી અવિકા ગૌર અને રાહુલ દેવ સ્ટારર 1920: હોરર્સ ઓફ ધ હાર્ટએ ઓટીટી પર ધૂમ મચાવી હતી. ફિલ્મમાં રહસ્ય મોતથી લઈને ખરાબ આત્માના ચુંગાલમાં ફસાયેલી છોકરીની વાર્તા દેખાડવામાં આવી છે. આ ફિલ્મ ડિઝની પ્લસ હોટ સ્ટાર પર જોઈ શકાય છે.

ચંદ્રમુખી

હોરર ફિલ્મની વાત આવે અને સાઉથની ફિલ્મોની વાત કરવામાં ન આવે તેવું કેમ બને? અમે વાત કરી રહ્યા છીએ રજનીકાંતની ફિલ્મ ચંદ્રમુખીની. આ ફિલ્મ જોઈને તમારી ઉંઘ ઉડી જશે. આ ફિલ્મની રિમેક અક્ષય કુમાર સ્ટારર ભૂલ ભૂલૈયા બની હતી. આ હોરર ફિલ્મ યુટ્યુબ પર ઉપલબ્ધ છે.

ધ રિંગ

2002માં રિલિઝ થયેલી હોલીવુડ ફિલ્મ ધ રિંગની વાર્તા શરૂ થતાં જ લોકોને બીક લાગવા લાગે છે. આ ફિલ્મ એક વિડીયો ટેપ વિશે છે જે જોવાવાળાની એક જ અઠવાડિયામાં મોત થઈ જાય છે. આ ફિલ્મને પણ પ્રાઇમ વિડીયો પર જોઈ શકાય છે.