“કમાન્ડર કરણ સક્સેના”નું ટ્રેલર રિલીઝ: જાણો કઈ એપમાં ફ્રીમાં જોઈ શકશો આ સીરીઝ

• રોમાંચ, વિશ્વાસઘાતથી ભરપૂર આ સિરીઝ તમને અંત સુધી બાંધી રાખશે

વોઇસ ઓફ ડે, રાજકોટ

ડિઝની હોટ સ્ટારે “કમાન્ડર કરણ સક્સેના”નું ટ્રેલર જાહેર કર્યું છે. આ રોમાંચક સિરીઝમાં ગુરમીત ચૌધરી એક દમદાર રો એજન્ટના પાત્રમાં નજર આવે છે. આ વાર્તા પણ દેશ માટે કોઈ જાંબાઝનો જીવ આપવાની છે. આ સિરીઝની વાર્તા રોમાંચ, વિશ્વાસઘાતથી ભરપૂર છે. જે તમને પૂરી રીતે બાંધીને રાખશે. 

જ્યારે કમાન્ડર આવે છે ત્યારે વાવાઝોડું આવે છે. ડિઝની હોટ સ્ટારે એક્શનથી ભરપૂર સિરીઝ કમાન્ડર કરણ સક્સેનાનું રોમાંચક ટ્રેલર લોન્ચ કર્યું છે. આ સિરીઝમાં ગુરમીત ચૌધરી, ઇકબાલ ખાન અને હ્યતા દુર્ગુલે મુખ્ય ભૂમિકા ભજવી છે. જેમાં એક નિડર રો એજન્ટની વાર્તા દેખાડવામાં આવી છે. જે એક ખતરનાક રાજનીતિક રહસ્યને ઉકેલવામાં વ્યસ્ત છે અને દેશને બચાવવા પોતાનો જીવ જોખમમાં મૂકે છે.

આ સિરીઝ 8 જુલાઇના રોજ રિલીઝ થશે. જેને ડિઝની હોટ સ્ટારની મોબાઈલ એપમાં ફ્રીમાં જોઈ શકો છો. આ સિરીઝના નવા એપિસોડ સોમવારથી શુક્રવારે રિલીઝ કરવામાં આવે છે. આ સિરીઝ વિશે વાત કરતાં નિર્દેશક જતીન વાગલેએ કહ્યું હતુ કે, કમાન્ડર કરણ સક્સેનાની વાર્તા ખૂબ જ દિલચસ્પ છે. ગુરમીતે આ સિરીઝના પાત્રમાં જીવ રેડ્યો છે અને આ પાત્ર માટે કોઈ બીજા વિશે વિચારી પણ ન શકુ. દર્શકો આ સિરીઝ જોવે તેની હું આતુરતાથી રાહ જોઈ રહ્યો છુ.