ફિલ્મ ‘કંતારા ચેપ્ટર 1’ને લઈ મોટું અપડેટ : ફિલ્મ પહેલા ભાગ કરતાં હશે વધુ ખતરનાક

‘કંતારા’થી વાહવાહી મેળવનાર ઋષભ શેટ્ટી ફરી એકવાર ધૂમ મચાવવા માટે તૈયાર છે. ‘કંતારા ચેપ્ટર 1’માં તે નવા અવતારમાં જોવા મળશે. રિષભ શેટ્ટી આ સમયે ભારતીય સિનેમાના ટોચના નામોમાંથી એક માનવામાં આવે છે. તે પોતાની પ્રતિભા અને મહેનત માટે જાણીતો છે, જેના કારણે તેને ઈન્ડસ્ટ્રીમાં ઘણું સન્માન મળ્યું છે. ‘કંતારા’ માટે જાણીતા અભિનેતા-દિગ્દર્શક તાજેતરમાં ‘કંતારા: ચેપ્ટર 1’ પર કામ કરી રહ્યા છે, જેનું નિર્માણ હોમ્બલે ફિલ્મ્સ દ્વારા કરવામાં આવી રહ્યું છે.  ત્યારે ગઈકાલે ઋષભ શેટ્ટી ઉત્તરા કન્નડમાં મતદાન કરતા જોવા મળ્યા હતા, જે એક જવાબદાર નાગરિક તરીકેની તેમની પ્રતિબદ્ધતા દર્શાવે છે.

મતદાન કર્યા પછી, તેણે મીડિયા સાથે વાતચીત કરી અને આ દરમિયાન તેણે કંતારા: ચેપ્ટર 1′ વિશે  કેટલીક રોમાંચક વિગતો શેર કરી. વાત કરતી વખતે તેમણે કહ્યું, “એક મોટી ટીમ ખૂબ જ જવાબદારી સાથે કામ કરી રહી છે. આ પ્રોજેક્ટ પર ઉત્કૃષ્ટ ટેકનિશિયન કામ કરી રહ્યા છે. શૂટિંગ પાર્ટ-બાય પાર્ટ કરવામાં આવી રહ્યું છે. લોકોને ‘કંતારા’ ખૂબ જ પસંદ આવી છે.” ‘કંતારા’માં રિષભ શેટ્ટીની શાનદાર અભિનય અને દિગ્દર્શનએ દર્શકો પર અમીટ છાપ છોડી છે. આ બધી બાબતો ઉપરાંત, તેનો લુક પણ દર્શકોને ખૂબ પસંદ આવ્યો હતો, તેથી પ્રિક્વલ કંટારા: ચેપ્ટર 1 માં તેના લુક વિશે વાત કરતી વખતે, અભિનેતાએ કહ્યું, “મેં આ ફિલ્મ માટે એક વર્ષ સુધી મારા વાળ અને દાઢી વધાર્યા છે. શૂટિંગ દરમિયાન ગુપ્તતા જાળવવી મહત્વપૂર્ણ છે.

ઋષભ શેટ્ટીનું આ નિવેદન ‘કંતારા’ પ્રોજેક્ટ પ્રત્યેનું તેમનું સમર્પણ અને પ્રિક્વલમાં તેમની ભૂમિકા માટે જે મહેનત કરી રહ્યો છે તે દર્શાવે છે. દરમિયાન, વર્ક ફ્રન્ટ પર, ઋષભ શેટ્ટી બહુપ્રતીક્ષિત ‘કંતારા: ચેપ્ટર 1’ સાથે પહેલાં ક્યારેય ન હોય તેવો દૈવી અનુભવ લાવવા માટે કામ કરી રહ્યો છે. હાલમાં આ ફિલ્મનું શૂટિંગ ચાલી રહ્યું છે અને આ સિવાય તે બોલિવૂડ ડિરેક્ટર આશુતોષ ગોવારિકર સાથેની એક ફિલ્મને લઈને પણ ચર્ચામાં છે.

‘કંતારા ચેપ્ટર વન’નું બજેટ અને સેટ

‘કંતારા’ ચેપ્ટર વન’ વિશે વાત કરીએ તો રિપોર્ટ્સ અનુસાર તેનું બજેટ 125 કરોડ રૂપિયા હોવાનું કહેવાય છે. તે ‘કંતારા’ કરતા પણ મોટો અને ખતરનાક હશે. ‘કંતારા’નું બજેટ 16 કરોડ રૂપિયા હતું અને તેણે બોક્સ ઓફિસ પર 400 કરોડ રૂપિયા સુધીની કમાણી કરી હતી. પ્રિક્વલના પ્રથમ શેડ્યૂલ એટલે કે ‘કાંતારા – ચેપ્ટર વન’ માટે કર્ણાટકના કુંડાપુરાના દરિયાકાંઠાના વિસ્તારમાં લગભગ 200×200નો ભવ્ય સેટ બનાવવામાં આવ્યો હતો. ફિલ્મનું શૂટિંગ આ વિસ્તારમાં કરવામાં આવશે.