અક્ષય-ટાઈગરની ‘બડે મિયાં છોટે મિયાં’ ઓટીટી પર રિલીઝ થવા તૈયાર
રિપોર્ટ્સ પ્રમાણે નેટફલિકસે ફિલ્મના રાઇટ્સ ખરીદ્યા
અક્ષય કુમાર અને ટાઈગર શ્રોફની ફિલ્મ ‘બડે મિયાં છોટે મિયાં’ને લઈને મોટી અપડેટ સામે આવી છે. આ ફિલ્મે થિયેટરમાં ધૂમ મચાવ્યાં બાદ હવે ઓટીટી પ્લેટફોર્મ પર રિલીઝ થવા તૈયાર છે. ઈદ પર થિયેટરમાં રિલીઝ થયેલી આ ફિલ્મ તમે ક્યારે અને કયા ઓટીટી પ્લેટફોર્મ પર જોઈ શકશો? તેના વિશે આજે અમે તમને જણાવીશું.
અક્ષય અને ટાઈગર શ્રોફની ‘બડે મિયાં છોટે મિયાં’ ફિલ્મે થિયેટર પર રિલીઝ થતાં જ ધમાલ મચાવી હતી. હવે આ ફિલ્મને તમે ઘરે બેઠા ઓટીટી પ્લેટફોર્મ પર પણ જોઈ શકશો. એક રિપોર્ટ પ્રમાણે આ ફિલ્મના ઓટીટી રાઇટ્સ નેટફલિકસે ખરીદી લીધા છે. હવે આ ફિલ્મ નેટફલિકસ પર રિલીઝ થશે. ફિલ્મનું પ્રીમિયર જૂન મહિનાની શરૂઆત સુધીમાં થઈ શકે છે. જો કે, હાલ તેની સત્તાવાર જાહેરાત થઈ નથી.
તમને જણાવી દઈએ કે, ‘બડે મિયાં છોટે મિયાં’ ફિલ્મે બોક્સ ઑફિસ પર અત્યાર સુધીમાં ૨૨.૬૫ કરોડ રૂપિયાનું કલેક્શન કર્યું છે. જ્યારે દેશમાં પહેલા દિવસે ૧૫.૬૫ કરોડ રૂપિયાનું કલેક્શન કર્યું હતું.
