અજય દેવગન અને તબ્બુ ફરી રોમાન્સ કરતા જોવા મળશે : ‘ઓરોં મેં કહાં દમ થા’નું ધમાકેદાર ટ્રેલર રિલીઝ

અજય દેવગન અને તબ્બુની જોડી બોલિવૂડની શ્રેષ્ઠ ઓનસ્ક્રીન જોડીમાંથી એક રહી છે. અજય દેવગન અને તબ્બુની ઓન-સ્ક્રીન જોડી ચાહકોને પસંદ છે. બંનેએ ઘણી હિટ ફિલ્મોમાં સાથે કામ કર્યું છે. 90ના દાયકામાં અજય અને તબ્બુ ઘણી ફિલ્મોમાં સાથે રોમાન્સ કરતા જોવા મળ્યા હતા. ત્યારે ફરી એકવાર અજય અને તબ્બુની અદ્ભુત કેમેસ્ટ્રી રોમેન્ટિક ફિલ્મમાં જોવા મળશે.બન્નેની આગામી ફિલ્મ ‘ઓરોં મેં કહાં દમ થા’નું ટ્રેલર રિલીઝ થઈ ગયું છે.

કેવું છે ફિલ્મનું ટ્રેલર?

થોડા સમય પહેલા અજય દેવગન અને તબ્બુ સ્ટારર ફિલ્મ ‘ઓરોં મેં કહાં દમ થા’નું ટીઝર રિલીઝ થયું હતું. આ કારણે આ જોડીને ફરીથી સાથે જોવાની ચાહકોની ઉત્સુકતા વધી ગઈ છે. હવે ટ્રેલર સાથે મેકર્સે ફેન્સની ઉત્તેજના વધારી દીધી છે. ટ્રેલરની શરૂઆતમાં તમે એક યુવાન યુગલને દરિયા કિનારે બેસીને વાતો કરતા જુઓ છો. છોકરી છોકરાના ખભા પર માથું ટેકવી રહી છે. તે તેને પૂછે છે- ક્રિષ્ના, અમને કોઈ અલગ નહીં કરે ને?’ આના જવાબમાં ક્રિષ્નાએ કહ્યું કે – ‘મેં તપાસ કરી, હજુ સુધી તો કોઈ એવું પેદા થયું નથી. જો કોઈ પ્રયત્ન પણ કરશે તો દુનિયાને આગ લગાવી દઈશ

આ પછી સ્ક્રીન પર અજય દેવગન જેલના કેદીના ડ્રેસમાં જોવા મળે છે. અજય દેવગન એ જ કૃષ્ણ છે જે 23 વર્ષ પહેલા બે હત્યા કરવા બદલ જેલમાં છે. આ પછી અવાજ આવે છે કે ક્રિષ્ના, તું કાલે છૂટી જવાનો છે પણ તેં અરજી કરી છે કે તારી સજા ઓછી ન થાય, કેમ… આ સાંભળીને અજય કહે છે, સાહેબ હું બહાર જવા તૈયાર નથી. આ પછી, તબ્બુ સ્ક્રીન પર જોવા મળે છે જે ખૂબ જ પરેશાન દેખાય છે અને કહે છે કે તે કાલે તે બહાર આવી આવી રહ્યો છે.

પછી 22 વર્ષ પછી, અજય દેવગન અને તબ્બુ સામસામે આવે છે અને બેકગ્રાઉન્ડમાં એક ઈમોશન ગીત વાગતું સંભળાય છે. એકંદરે ટ્રેલર અજય અને તબ્બુના બાળપણના પ્રેમથી લઈને તેમના અલગ થવા અને પછી ફરીથી મળવા સુધીની વાર્તા કહે છે. ટ્રેલરમાં સાઈ માંજરેકર અને શાંતુની મહેશ્વરી અજય અને તબૂની નાની ઉંમરની ભૂમિકા ભજવતા જોવા મળે છે. જિમી શેરગિલ પણ મજબૂત ભૂમિકામાં જોવા મળી રહ્યો છે. ટ્રેલર ખરેખર હૃદયસ્પર્શી છે અને અજય અને તબ્બુની મજબૂત અભિનયએ આ મોસ્ટ અવેટેડ ફિલ્મ માટે ઉત્તેજનાનું સ્તર તેની ટોચ પર લઈ લીધું છે.

ફિલ્મ ‘ઓરોં મેં કહાં દમ થા’નું ટ્રેલર રોમાંસની સાથે સાથે સસ્પેન્સથી પણ ભરપૂર છે. ક્રિષ્નાના પાત્રનું સત્ય શું છે. જેલમાંથી બહાર આવ્યા બાદ તેને કઈ મુશ્કેલીઓનો સામનો કરવો પડશે અને તેને તેના અધૂરા પ્રેમને પૂરો કરવાનો મોકો મળશે કે નહીં, આ બધું ફિલ્મમાં જોવાનું રહેશે. તબ્બુને રોમાન્સ કરવાની સાથે અજય દેવગન ફરી એકવાર એક્શન અવતારમાં જોવા મળવાનો છે. આ ફિલ્મ 5 જુલાઈના રોજ સિનેમાઘરોમાં રિલીઝ થઈ રહી છે.