અદાલતે ઇડીને શા માટે કર્યો દંડ ? કયા કેસમાં કરી કાર્યવાહી ? વાંચો
બોમ્બે હાઈકોર્ટે મંગળવારે ઇડી પર 1 લાખ રૂપિયાનો દંડ ફટકાર્યો હતો. કોર્ટે રિયલ્ટી ડેવલપર સામે મની લોન્ડરિંગની તપાસ શરૂ કરવા અંગેના કેસમાં આ પગલું લીધું હતું. કોર્ટે એવી ટકોર પણ કરી હતી કે કેન્દ્રીય એજન્સીએ કાયદાના દાયરામાં રહીને કામ કરવું જોઈએ.
દંડ ફટકારતી વખતે, જસ્ટિસ મિલિંદ જાધવની સિંગલ બેન્ચે કહ્યું કે, ‘નાગરિકોનું શોષણ ન થાય તે સુનિશ્ચિત કરવા માટે કાયદા અમલીકરણ એજન્સીઓને મજબૂત સંદેશ મોકલવાની જરૂર છે. હવે સમય આવી ગયો છે કે ઇડી જેવી કેન્દ્રીય એજન્સીઓ કાયદો પોતાના હાથમાં લેવાનું અને નાગરિકોનું શોષણ કરવાનું બંધ કરે.’
આ સાથે, કોર્ટે ઇડીની ફરિયાદને પગલે સ્પેશિયલ કોર્ટ દ્વારા મુંબઈના રિયલ એસ્ટેટ ડેવલપર રાકેશ જૈનને મોકલાયેલાં તમામ સમન્સ અને નોટિસને રદ કરી દીધા હતા. પ્રોપર્ટી ખરીદનાર રાકેશ જૈન નામના રિયલ એસ્ટેટ ડેવલપર વિરુદ્ધ નિયમોના ઉલ્લંઘન અને છેતરપિંડીનો કેસ દાખલ કર્યો હતો. વિલે પાર્લે પોલીસ સ્ટેશનમાં આ ફરિયાદ દાખલ કરવામાં આવી હતી. તેના આધારે ઈડીએ રાકેશ જૈન વિરુદ્ધ મની લોન્ડરિંગ કેસની તપાસ શરૂ કરી હતી.
આ મામલો ઓગસ્ટ 2014નો છે. વિશેષ અદાલતે ઓગસ્ટ 2014માં ઇડી દ્વારા દાખલ કરાયેલી કાર્યવાહી પર નોટિસ જારી કરી હતી. હાઇકોર્ટે આ કેસમાં રાકેશ જૈન વિરુદ્ધ વિશેષ અદાલત દ્વારા જારી કરાયેલી નોટિસને રદ કરી દીધી છે.
