પાકમાં કોના પર થયો હુમલો ? જુઓ
પાકિસ્તાનના કરાચી શહેરમાં શુક્રવારે આતંકવાદીઓએ જાપાની નાગરિકોના વાહન પર આત્મઘાતી હુમલો કર્યો હતો.પોલીસે કહ્યુ હતુ કે, ‘કરાચીના લાંધી વિસ્તારમાં એક આત્મઘાતી હુમલાખોરે જે વાહનને નિશાન બનાવ્યુ હતુ તેમાં પાંચ જાપાની નાગરિકો સવાર હતા જો કે તેઓ હુમલામાં સુરક્ષિત બચી ગયા હતા. આ હુમલામાં બે આતંકવાદીઓના મોત થયા હતા. .જ્યારે વાહનના ચાલકને ઈજાઓ પહોંચી હતી. એક આતંકીએ પોતાની જાતને ઉડાવી દીધી હતી અને એક આતંકી જવાનોના હાથે ઠાર થયો હતો.
પોલીસે પ્રાથમિક તપાસનો હવાલો આપીને કહ્યુ હતુ કે, ‘હુમલાખોરો પગપાળા આવ્યા હતા.પોલીસને ઘટના સ્થળ પાસેથી 6 હેન્ડ ગ્રેનેડ, એક મશિનગન તેમજ ત્રણ મેગઝીન મળી આવ્યા હતા. .હુમલાખોરોની બેગમાં પેટ્રોલની બે બોટલો પણ હતી.
સુરક્ષા દળોના જવાનોએ વળતુ ફાયરિંગ કર્યુ હતુ અને તેમાં એક આતંકવાદીનુ મોત થયુ હતુ.જ્યારે એક આતંકવાદી જાપાની નાગરિકો બેઠા હતા તે વાહન પાસે ગયો હતો.તેણે શરીર પર વિસ્ફોટકો ભરેલુ જેકેટ પહેર્યુ હતુ અને એક ગ્રેનેડ પણ બાંધ્યો હતો.તેણે પોતાને ઉડાવી દીધો હતો.’
