સલમાનને માફી આપી શકાય છે તેવું કોણે કહ્યું ? જુઓ

બાબા સિદ્દીકી હત્યા કેસમાં લોરેન્સ બિશ્નોઈનું નામ સામે આવ્યા બાદ અભિનેતા સલમાન ખાન અને બિશ્નોઈ સમુદાય અચાનક ચર્ચામાં આવી ગયો છે. મીડિયા સાથેની વાતચીતમાં અખિલ ભારતીય બિશ્નોઈ મહાસભાના રાષ્ટ્રીય અધ્યક્ષ દેવેન્દ્ર બુડિયાએ કહ્યું કે જો સલમાન ખાન માફી માંગે તો બિશ્નોઈ સમાજ તેને માફ કરી શકે છે. જોકે, આ માટે તેણે પોતાની ભૂલ કબૂલવી પડશે અને માફી માંગવી પડશે. આ કર્યા પછી, બિશ્નોઈ સમુદાયના પ્રબુદ્ધ લોકો સાથે બેસીને નિર્ણય લઈ શકે છે કે સલમાનને સમાજના 29 નિયમો હેઠળ માફ કરવામાં આવે.

હરણના શિકારનો આરોપ
1998માં ફિલ્મ ‘હમ સાથ સાથ હૈ’ના શૂટિંગ દરમિયાન અભિનેતા સલમાન ખાન સહિત અનેક ફિલ્મી હસ્તીઓ પર કાળા હરણના શિકારનો આરોપ લાગ્યો હતો. આ મામલો હજુ કોર્ટમાં પેન્ડિંગ છે. આ ઘટનાને લઈને બિશ્નોઈ સમુદાય સલમાન ખાન વિરુદ્ધ છે. સમલાન ખાન બાબા સિદ્દીકીના નજીકના સહયોગીઓમાંથી એક હતો અને સિદ્દીકી હત્યા કેસમાં લોરેન્સ બિશ્નોઈનું નામ સામે આવી રહ્યું છે. થોડા મહિના પહેલા સલમાનના ઘરે પણ ફાયરિંગ થયું હતું,

બિશ્નોઈ સમાજના નિયમો શું કહે છે?
દેવેન્દ્ર બુડિયાએ કહ્યું કે બિશ્નોઈ સમાજના 29 નિયમોમાંથી દસમા નિયમમાં કોઈ ભૂલ કરે તો તેને માફ કરવાની જોગવાઈ છે. તેઓ કહે છે કે આપણા ધર્મગુરુ ભગવાન જંભેશ્વરજીએ 29 નિયમો બનાવ્યા હતા. આમાં જોગવાઈ છે કે જો કોઈએ ગુનો કર્યો હોય અને તે તેના ગુના માટે માફી માંગે તો તેને દયાથી માફ કરી શકાય છે.

મનમાં ક્ષમાની ભાવના હોય તો દયા બતાવી શકાય. તેમણે કહ્યું કે બિશ્નોઈ સમુદાય ક્યારેય કોઈને નુકસાન પહોંચાડતો નથી. જ્યારે કોઈ વ્યક્તિ મનમાં ક્ષમાની લાગણી લઈને આવે છે, ત્યારે સમાજના પ્રતિષ્ઠિત લોકો બેસીને તેને માફ કરવાનો નિર્ણય લઈ શકે છે.