કોને બોમ્બથી ઉડાવી દેવાની ધમકીઓ મળી ? વાંચો
જયપુરમાં ફરી એકવાર રવિવારે ઈ-મેલ દ્વારા મોટા પાયે હોસ્પિટલોને બોમ્બથી ઉડાવી દેવાની ધમકી આપવામાં આવી હતી. આ વખતે પિંક સિટી જયપુરની 10 મોટી હોસ્પિટલો સહિત રાજસ્થાનની 100 હોસ્પિટલોને આ ધમકી આપવામાં આવી હતી. પોલીસે ચેકિંગ કરતાં કઈ વાંધાજનક મળ્યું નહતું.
જો કે બે હોસ્પિટલોએ પોલીસને જાણ કરી હતી. દસ મોટી હોસ્પિટલોને આવા ધમકીભર્યા ઈ-મેલ મોકલવામાં આવ્યા હતા. હોસ્પિટલોને બોમ્બથી ઉડાવી દેવાની ધમકી બાદ દર્દીઓ, મેનેજમેન્ટ અને પોલીસ વિભાગની બહાર ભયનો માહોલ હતો. પોલીસે બંને હોસ્પિટલોમાં સર્ચ ઓપરેશન હાથ ધર્યું હતું. આ પહેલા જયપુરમાં એરપોર્ટ અને મોટી સ્કૂલોને બોમ્બથી ઉડાવી દેવાની ધમકી આપવામાં આવી હતી.
મળતી માહિતી મુજબ, બોમ્બની પ્રથમ માહિતી રવિવારે સવારે જવાહર નગર વિસ્તારના સેક્ટર 5 સ્થિત મોનિલેક હોસ્પિટલમાંથી મળી હતી. આ હોસ્પિટલના મેનેજમેન્ટને હોસ્પિટલમાં બોમ્બ મૂકવાની ધમકી આપતો ઈમેલ મળ્યો હતો. તેની હોસ્પિટલ મેનેજમેન્ટે પોલીસને જાણ કરી હતી.
હોસ્પિટલમાં બોમ્બ હોવાના સમાચારથી સ્ટાફ અને દર્દીઓમાં ભયનો માહોલ સર્જાયો હતો. બાદમાં આ અંગેની માહિતી પોલીસને આપવામાં આવી હતી. આના પર પોલીસ ડોગ સ્ક્વોડ, બોમ્બ ડિસ્પોઝલ સ્ક્વોડ અને એટીએસની ટીમ સાથે ત્યાં પહોંચી હતી. સુરક્ષા એજન્સીઓએ ત્યાં સર્ચ ઓપરેશન શરૂ કર્યું હતું.
