કોણ છે આ બોલ્ડ એક્ટ્રેસ અવનીત કૌર ?? ફોટો લાઈક કર્યા બાદ વિરાટ કોહલી થયો ટ્રોલ, જાણો શુ કરી સ્પષ્ટતા

વિરાટ કોહલી કોઈને કોઈ કારણોસર સોશિયલ મીડિયામાં છવાયેલો હોય છે. ત્યારે છેલ્લા 2-3 દિવસથી વિરાટ કોહલીને લઈને ચર્ચા વધી ગઈ છે. આ ચર્ચાનું કારણ છે એક લાઇક જે કોહલી દ્વારા અવનીત કૌરના ફોટા પર કરવામાં આવી છે. ઇન્સ્ટાગ્રામ પર અભિનેત્રી અવનીત કૌરની એક તસવીરને લાઇક કર્યા પછી, વિરાટ કોહલી ઇન્ટરનેટ પર ચર્ચામાં આવી ગયો છે. ત્યારે આ મામલે કિંગ કોહલી દ્વારા સ્પષ્ટતા કરવામાં આવી છે.

વિરાટ કોહલીએ કરી સ્પષ્ટતા

ઇન્સ્ટાગ્રામ સ્ટોરી પર પોતાના વિચારો શેર કરતા, ભારતીય દિગ્ગજે લખ્યું, ‘હું એ સ્પષ્ટ કરી દેવા માગું છું કે મારી ફીડ ક્લિન કરતા સમયે ભૂલથી કોઈ ઈન્ટરેક્શન રજિસ્ટર થઈ ગયું છે. એવું લાગે છે કે આ અલ્ગોરિધમ્સના કારણે થયું છે. તેના પાછળ મારો કોઈ ઈરાદો ન હતો. હું રિક્વેસ્ટ કરું છું કે કોઈ કારણ વગરની વાતો ન બનાવે. મારી વાત સમજવા માટે આભાર.

અવનીત કૌર કોણ છે ?

અવનીત કૌરનો જન્મ 13 ઓક્ટોબર 2001ના રોજ પંજાબના જલંધર શહેરમાં થયો હતો. તેમની હાલની ઉંમર 23 વર્ષ છે. હાલમાં તે ભારતીય ટેલિવિઝનમાં કામ કરી રહી છે અને તાજેતરમાં પૂર્ણ થયેલા કાન્સ ફિલ્મ ફેસ્ટિવલ 2024 માં પણ જોવા મળી હતી.

અવનીત કૌર અને ટેલિવિઝન શો

બી-ટાઉનની આ અભિનેત્રીએ માત્ર નવ વર્ષની ઉંમરે ‘ડાન્સ ઈન્ડિયા ડાન્સ લિટલ માસ્ટર્સ’ નામના ટેલિવિઝન શોથી પોતાની કારકિર્દીની શરૂઆત કરી હતી. આ પછી, 2012 માં તે ‘મેરી મા’ નામના શોમાં જોવા મળી. જ્યાં બધાએ તેમના કામની પ્રશંસા કરી. આ શો ઉપરાંત તેણે ‘સાવિત્રી એક પ્રેમ કહાની’, ‘એક મુઠ્ઠી આસમાન’, ‘અલાદ્દીન – નામ તો સુના હોગા’માં પણ પોતાના અભિનયથી લોકોને દિવાના બનાવ્યા છે.

અવનીત કૌરને 31.7 મિલિયન ફોલોઅર્સ

તમને જણાવી દઈએ કે વિરાટના ઇન્સ્ટાગ્રામ પર 271 મિલિયન ફોલોઅર્સ છે, જ્યારે અવનીત કૌરના એકાઉન્ટ પર 31.7 મિલિયન લોકો ફોલો કરે છે. આ ભૂલ પછી, લોકો એમ પણ કહી રહ્યા છે કે હવે અવનીતના ફોલોઅર્સની સંખ્યા વધવાની છે.

શુભમન ગિલ સાથે પણ રિલેશનની ચર્ચા

અવનીતે દુબઈમાં ભારતની ચેમ્પિયન્સ ટ્રોફી મેચમાંથી એકની તસવીરો શેર કરી, જેના પગલે શુભમન ગિલ સાથેના તેના સંબંધો અંગે અટકળો તેજ થઈ ગઈ. એક ફોટામાં તેણે શુભમનને જન્મદિવસની શુભેચ્છા પણ પાઠવી હતી. જોકે, ચાહકો માને છે કે અવનીત ખરેખર નિર્માતા રાઘવ શર્માને ડેટ કરી રહી છે.