દિલ્હીમાં મુકેશ અંબાણી કોને મળ્યા ? જુઓ
રિલાયન્સના ચેરમેન મુકેશ અંબાણી ગુરુવારે દિલ્હી પહોંચી ગયા હતા અને રાહુલ ગાંધી તથા સોનિયા ગાંધી સાથે મુલાકાત કરી હતી. વાસ્તવમાં આ કોઈ રાજકીય મુલાકાત નહતી પણ પારિવારિક હતી. મુકેશ અંબાણીના પુત્ર અનંત અંબાણીના લગ્નમાં હાજરી આપવા માટે અંબાણીએ બંને નેતાઓને આમંત્રણ આપ્યું હતું.
આમ તો લગ્નનો જશ્ન શરૂ થઈ ચૂક્યો છે ત્યારે મુખ્ય પ્રસંગ માટે મુકેશ અંબાણી દેશના વીવીઆઈપીઓને પોતે મળીને આમંત્રણ આપી રહ્યા છે. સૌપ્રથમ અંબાણી રાહુલ ગાંધીના નિવાસ સ્થાને ગયા હતા અને ત્યારબાદ 10 જનપાથ પર જઈને સોનિયા ગાંધીને મળ્યા હતા અને આમંત્રણ આપ્યું હતું.
12 જુલાઇના રોજ અનંત અંબાણી અને રાધિકાના લગ્ન થવાના છે. આ પ્રસંગે દેશની મોટી હસ્તીઓ તેમાં શામેલ થશે અને ફિલ્મ સ્તરો તેમજ બિઝનેસમેનો અને નેતાઓનો જમાવડો થશે. આ ઉપરાંત વિદેશી મહેમાનો પણ આવી રહ્યા છે. ખેલ જગતના સ્ટાર પણ હાજરી આપવાના છે.
