રાહુલ ગાંધીએ યુપીના કયા શહેરની લીધી મુલાકાત ? કોને મળ્યા ? વાંચો

લોકસભામાં વિરોધ પક્ષના નેતા અને કોંગ્રેસના સાંસદ રાહુલ ગાંધી દુષ્કર્મ પીડિતાના પરિવારને મળવા માટે ગુરુવારે યુપીના હાથરસ પહોંચ્યા હતા. સુરક્ષાને ધ્યાનમાં રાખીને હાથરસના બૂલગઢી ગામમાં વધારાના પોલીસ દળો તૈનાત કરવામાં આવ્યા હતા. લગભગ એક કલાક સુધી પીડિત પરિવાર સાથેની મુલાકાત દરમિયાન કોંગ્રેસ નેતા રાહુલ ગાંધીએ વહીવટીતંત્રના અધિકારીને બોલાવ્યા હતા.

સૂત્રોના જણાવ્યા અનુસાર પીડિતાના પરિવારે જુલાઈમાં રાહુલ ગાંધીનો સંપર્ક કર્યો હતો અને તેમને કહ્યું હતું કે આ ઘટના બાદ યુપી સરકાર દ્વારા નોકરી અને મકાનનું વચન પૂરું થયું નથી. પીડિતાના પરિવારને સુરક્ષા મળી છે. તેઓ કહે છે કે તેઓ સુરક્ષાના કારણે કેદ છે. આ પહેલા રાહુલને સંભલ જવા દેવાયા નહતા પણ તેઓ હાથરસ પહોંચી ગયા હતા.

ચાર વર્ષ જૂનો કેસ
કોંગ્રેસ નેતા રાહુલ ગાંધીની હાથરસની મુલાકાત બાદ ચાર વર્ષ બાદ ફરી એકવાર આ મુદ્દો ચર્ચામાં આવ્યો છે. 14 સપ્ટેમ્બર 2020 ના રોજ, હાથરસમાં એક છોકરી પર તેના ગામના કેટલાક લોકોએ દુષ્કર્મ ગુજાર્યું હતું. જેનું સારવાર દરમિયાન મૃત્યુ થયું હતું. આ કેસમાં એક આરોપીને આજીવન કેદની સજા ફટકારવામાં આવી હતી.

કોંગ્રેસના નેતાઓ રાહુલ ગાંધી અને પ્રિયંકા ગાંધી 3 ઓક્ટોબર, 2020 ના રોજ પરિવારને મળ્યા હતા અને જાહેરાત કરી હતી કે તેઓ મૃતકોને ન્યાય મેળવવા માટે લડશે. તેમના અંતિમ સંસ્કાર 30 ઓક્ટોબરના રોજ સવારે કરવામાં આવ્યા હતા. તેમના પરિવારનો આરોપ છે કે સ્થાનિક પોલીસે તેમને રાત્રિના અંધારામાં અંતિમ સંસ્કાર કરવા દબાણ કર્યું હતું.