સલમાન ખાન અંગે શૂટરે શું નવો ધડાકો કર્યો ? શું કહ્યું ? જુઓ

મુંબઈમાં બાબા સિદ્દીકીની ગોળી મારીને હત્યા કરી દેવામાં આવી હતી. ત્યારે હવે બાબા સિદ્દીકી હત્યા કેસમાં ધરપકડ કરાયેલા આરોપી શૂટરે બોલિવૂડ અભિનેતા સલમાન ખાનને લઈને એક ચોંકાવનારો ખુલાસો કરીને કહ્યું હતું કે બાબા પહેલા સલમાનની હત્યા કરવાનો પ્લાન હતો. આ કબૂલાત બાદ સલમાન પર જોખમ વધી ગયું છે.

સલમાન ખાનની મુસીબતો ઓછી થવાના કોઈ સંકેત દેખાઈ રહ્યા નથી. થોડા મહિના પહેલા જ એનસીપી નેતા અને સલમાનના ખાસ મિત્ર બાબા સિદ્દીકીની હત્યા કરવામાં આવી હતી. હવે બાબા સિદ્દીકી મર્ડર કેસમાં ખુલાસો થયો છે કે તેની પહેલા સલમાન ખાનને મારી નાખવાનો પ્લાન હતો.

આરોપીએ પૂછપરછ દરમિયાન પોલીસને જણાવ્યું છે કે, સલમાન ખાનનું નામ ગેંગસ્ટર લોરેન્સ બિશ્નોઈની હિટલિસ્ટમાં પણ હતું. આરોપીઓએ આ વાતનો ખુલાસો પણ કર્યો છે, પરંતુ સલમાનની કડક સુરક્ષાને કારણે શૂટર સલમાન સુધી પહોંચી શક્યો નહોતો. સલમાનને સતત મળી રહેલી ધમકીઓને કારણે તેને વધુ સુરક્ષા આપવામાં આવી છે. અભિનેતાઓ હંમેશા સુરક્ષા કવચ હેઠળ ગમે ત્યાં જાય છે.

બાબા સિદ્દીકીની 12 ઓક્ટોબરે હત્યા કરવામાં આવી હતી. આ કેસમાં સલમાન ખાન સાથેની મિત્રતાનું કારણ જણાવવામાં આવ્યું હતું. હત્યાના કેસમાં પોલીસે ગુનાના સ્થળેથી જ બે શૂટર્સ ધરમરાજ કશ્યપ અને ગુરમસિંહની ધરપકડ કરી હતી. પરંતુ મુખ્ય શૂટર શિવકુમાર ગૌતમ ત્યાર બાદ ભાગવામાં સફળ રહ્યો હતો. બાદમાં તેની બહેરીન જિલ્લાના નાનપારામાંથી ધરપકડ કરવામાં આવી હતી. શિવે પોલીસ કસ્ટડીમાં ઘણા ખુલાસા કર્યા હતા.