રાજસ્થાનમાં કેવી નજીવી બાબતમાં થયું ખૂન ? જુઓ
રાજસ્થાનના ભિવાનીમાં 24 વર્ષના એક મુસ્લિમ યુવકની જાહેરમાં માર મારીને હત્યા કરી દેવાઈ હતી. જ્યારે તેની સાથે રહેલા મિત્રે ભાગી જઈને જાન બચાવી લીધી હતી. રોડ પર વાહનોની મામૂલી ટક્કરને લઈને આ ઘટના બની હતી. પોલીસે આ અંગે એક આરોપીને પકડી લીધો હતો અને બીજા 2 ફરાર થઈ ગયા હતા.
પોલીસના કથન મુજબ મરનારની ઓળખ અફસર અલીના રૂપમાં થઈ હતી. તે એક ફેક્ટરીમાં મજૂરી કરતો હતો. અલી પોતાના મિત્ર તાહીબ ઉલ સાથે ફેક્ટરીથી ઘરે ભોજન માટે જઈ રહ્યા હતા. આ દરમિયાન સડક પર એમની સામે એક ભારે વાહન આવી જતાં એમણે પોતાનું વાહન પાછળ લીધું હતું અને તેમાં પાછળ આશિષ ગુર્જર નામના શખ્સની કાર સાથે વાહન અથડાયું હતું. આ અંગે બોલાચાલી થઈ હતી ત્યારે કારમાં રહેલા 3 શખ્સોએ અલીને બેફામ માર માર્યો હતો. જ્યારે તેનો સાથી ભાગી ગયો હતો. અલી બેહોશ થઈ ગયો હતો.
થોડીવાર બાદ અલીનો મિત્ર પાછો આવ્યો હતો અને અલીને દવાખાને લઈ ગયો હતો જ્યાં તબીબોએ અલીને મૃત જાહેર કર્યો હતો. પોલીસે આ અંગે કાર્યવાહી કરીને એક આરોપીને પકડી લીધો હતો.
