દેશમાં વાહનોના વેચાણમાં શું હાલત રહી ? કોના વેચાણમાં ઘટાડો ? વાંચો

દેશમાં ટુ-વ્હીલર્સની સારી માંગને કારણે નવેમ્બર, 2024 દરમિયાન વાહનોનું છૂટક વેચાણ વાર્ષિક ધોરણે 11.21 ટકા વધીને 32,08,719 યુનિટ થયું હતું. ગયા વર્ષે આ જ મહિનામાં દેશભરમાં કુલ વાહનોનું વેચાણ 28,85,317 યુનિટ હતું. ફેડરેશન ઓફ ઓટોમોબાઈલ ડીલર્સ એસોસિએશનએ સોમવારે એક નિવેદનમાં જણાવ્યું હતું કે ગયા મહિને ટુ-વ્હીલરનું છૂટક વેચાણ 15.8 ટકા વધીને 26,15,953 યુનિટ થયું હતું. નવેમ્બર 2023માં તે 22,58,970 યુનિટ હતું. જોકે, કારના વેચાણમાં લગભગ 14 ટકાનો ઘટાડો જોવા મળ્યો હતો.

બીજી તરફ, પેસેન્જર વાહનોનું છૂટક વેચાણ 13.72 ટકા ઘટીને 3,21,943 યુનિટ થયું છે. એક વર્ષ અગાઉ સમાન મહિનામાં તે 3,73,140 યુનિટ હતું. તેનું કારણ પીવી સેગમેન્ટ દ્વારા સામનો કરવામાં આવી રહેલા વિવિધ પડકારો હતા. આમ દેશમાં વાહનોના વેચાણમાં કારની માર્કેટમાં મંદી દેખાય છે. કારના નવા મોડેલ બજારમાં આવ્યા છે છતાં વેચાણમા ઘટાડો છે.

પેસેન્જર વાહનોનું વેચાણ ઘટ્યું
“નવેમ્બરની શરૂઆતમાં, એવી ધારણા હતી કે ગતિ એ જ રહેશે, ખાસ કરીને લગ્નોને કારણે… પરંતુ ડીલર્સનો પ્રતિસાદ દર્શાવે છે કે સેગમેન્ટે અપેક્ષાઓ કરતાં ઓછું પ્રદર્શન કર્યું છે,” ફાડાના પ્રમુખ વિગ્નેશ્વરે એક નિવેદનમાં આ મુજબ જણાવ્યું હતું.

“જોકે ગ્રામીણ બજારોમાંથી થોડો ટેકો હતો, મુખ્યત્વે ટુ-વ્હીલર કેટેગરીમાં લગ્ન સંબંધિત વેચાણ ધીમી રહ્યું હતું,” તેમણે પેસેન્જર વાહનોના છૂટક વેચાણ અંગે જણાવ્યું હતું કે, “નબળું બજાર સેન્ટિમેન્ટ, મર્યાદિત ઉત્પાદન વિવિધતા અને અપૂરતી ઓફર. આ સાથે, તહેવારોની માંગ ઓક્ટોબરમાં શિફ્ટ થવાને કારણે પરિસ્થિતિ વધુ જટિલ બની હતી.

કોમર્શિયલ સેગમેન્ટમાં પણ નબળાઈ
કોમર્શિયલ વ્હિકલ સેગમેન્ટમાં છૂટક વેચાણ નવેમ્બર 2023માં 87,272 યુનિટ્સની સરખામણીએ નવેમ્બરમાં 6.08 ટકા ઘટીને 81,967 યુનિટ થયું હતું. થ્રી-વ્હીલરનું વેચાણ 4.23 ટકા વધીને 1,08,337 યુનિટ થયું છે જે એક વર્ષ અગાઉના સમાન મહિનામાં 1,03,939 યુનિટ હતું.