સોમાલિયામાં સમુદ્ર કિનારે શું થયું ? જુઓ
- જહાજમાં કેટલા ભારતીય ?
- નેવીએ શું કામગીરી કરી ?
દુનિયામાં હવે સમુદ્ર યધધનું મેદાન બની રહ્યા છે અને પાછલા થોડાક દિવસોમાં આવા બનાવો બન્યા છે. હવે સોમાલિયાના સમુદ્ર કિનારે એક એમવી લીલા નોરફોક જહાજને હાઇજેક કરી લેવાયાના અહેવાલ બહાર આવ્યા હતા. આ જહાજ ગુરુવારે હાઈજેક થયું હતું. ભારતીય સૈન્ય આ મામલે સક્રિય થઇ ગયું હતું. અપહરણ કરાયેલા આ જહાજ પર લાઈબેરિયાનું ધ્વજ હતું. જેમાં 15 ભારતીય ક્રુ મેમ્બર છે. આ માહિતી મળતા જ ભારતીય નૌકા દળ ટીમ સક્રિય થઈ હતી અને વોરશીપ તૈનાત કરી હતી.
આ જહાજના ચાલકદળમાં 15 ભારતીય સભ્યો પણ સામેલ છે. ભારતીય નેવીના વિમાન આ જહાજ પર નજર રાખી રહ્યા છે અને ચાલક દળની સાથે કમ્યુનિકેટ કરી રહ્યા છે. આ ઘટના બાદથી ભારતીય નેવીનું યુદ્ધજહાજ આઈએનએસ ચેન્નઇ પણ સ્થિતિનો સામનો કરવા જહાજ તરફ આગળ વધી રહ્યું છે.
સોમાલિયા નજીક કોઈ જહાજના હાઈજેકની આ પ્રથમ ઘટના નથી. તાજેતરમાં જ સોમાલિયામાં સમુદ્રી ચાંચિયાઓએ અરબ સાગરમાં માલ્ટાના જહાજ એમવી રુએનને હાઈજેક કરી લીધું હતું. આ ઘટનાની માહિતી મળતાં જ ભારતીય નેવી તરત જ એક્ટિવ થઇ હતી. ઉતાવળે નેવી તરફથી એક યુદ્ધ જહાજ અને સમુદ્રી પેટ્રોલિંગ વિમાન અરબ સાગર રવાના કરાયું હતું જેના બાદ ભારતીય નેવીએ આ જહાજને રેસ્ક્યૂ કર્યો હતો.
