રાઉતે વડાપ્રધાન વિષે શું કહ્યું ? જુઓ
કોના વિચારો સાથે સરખાવ્યા ?
શિવ સેના ઉધ્ધવ જૂથના નેતા સંજય રાઉતે ફરીવાર પોતાની ટેવ મુજબ જ વિવાદિત નિવેદન આપીને ભારે ચર્ચા જગાવી દીધી હતી. એક કાર્યક્રમમાં સંબોધન દરમિયાન રાઉતે એમ કહ્યું હતું કે શિવજી મહારાજનો જન્મ મહારાષ્ટ્રમાં થયો અને ઔરંગઝેબનો જન્મ ગુજરાતમાં થયો હતો.
રાઉતે એટલેથી જ નહીં અટકીને એમ પણ કહ્યું હતું કે એટલા માટે જ વડાપ્રધાન મોદીના વિચારો ઔરંગઝેબ જેવા છે. એમણે કહ્યું હતું કે નરેન્દ્ર મોદીના ગામ પાસે જ ઔરંગઝેબનો જન્મ થયો હતો. આ પ્રકારની સોચ મુજબ જ મહારાષ્ટ્ર પર ચઢાઈ કરવામાં આવી રહી છે.
રાઉત જ્યારે મોદી વિષે આ કોમેન્ટ કરી રહ્યા હતા ત્યારે ઉધ્ધવ ઠાકરે ત્યાં જ બેઠા હતા. રાજ ઠાકરેના ભાજપ સાથે જવા અંગેના મુદ્દા પર રાઉતે આ પ્રકારની કોમેન્ટ કરી હતી અને મોદીના વિચારો ઔરંગઝેબ જેવા છે તેમ કહી દીધું હતું. એમણે કહ્યું કે ઔરંગઝેબની માનસિકતા સાથે જ અમારા પર હુમલા થઈ રહ્યા છે.
