હરિયાણાના પરિણામ અંગે રાહુલ ગાંધીએ શું કહ્યું ? જુઓ
હરિયાણા અને જમ્મુ-કાશ્મીરના ચૂંટણી પરિણામો પર કોંગ્રેસ સાંસદ રાહુલ ગાંધીનું પહેલું નિવેદન બુધવારે સામે આવ્યું હતું. રાહુલે કહ્યું કે, જમ્મુ-કાશ્મીરના લોકોનો હું હૃદયથી આભાર માનું છું. જમ્મુ-કાશ્મીરમાં ઈન્ડિયાની જીત બંધારણ અને લોકતાંત્રિક સ્વાભિમાનની જીત છે. જો કે હરિયાણા વિષે એમણે વિચિત્ર વાત કરી હતી. ચુંટણી પંચ પાસે જઈને ફરિયાદ કરશું તેવી જાહેરાત કરી હતી. હરિયાણાની જનતાનો આભાર પણ વ્યક્ત કર્યો હતો. રાહુલને પરિણામ હજમ થયા નથી તેવું એમની વાત પરથી લાગે છે.
હરિયાણાની હાર પર રાહુલે કહ્યું કે, આ પરિણામ અણધાર્યા છે અને અમે તેનું વિશ્લેષણ કરી રહ્યા છીએ. અનેક વિધાનસભા ક્ષેત્રથી આવી રહેલી ફરિયાદોથી ચૂંટણી પંચ પરિચિત છે. તમામ હરિયાણવીનું સમર્થન અને અમારા બબ્બર શેર કાર્યકર્તાઓને તેમના અથાગ પરિશ્રમ માટે આભાર. અમે ચુંટણી પંચ સમક્ષ જશું અને અમારી ફરિયાદ પહોંચાડશું.
રાહુલ ગાંધીના નિવેદન પહેલાં જમ્મુ-કાશ્મીર ચૂંટણી પરિણામ પર કોંગ્રેસ નેતા ઉદિત રાડે ઈવીએમ પર સવાલ ઊભા કર્યા છે. ઉદિત રાજે કહ્યું કે, જમ્મુ-કાશ્મીરમાં ભાજપને કારમી હારનો સામનો કરવો પડ્યો છે. જો અનુચ્છેદ 370 અને રામ મંદિર બન્ને ફ્લોપ થઈ ગયું તો હવે તેમને મત ક્યાંથી મળી રહ્યા છે? કોંગ્રેસ નેતાએ આરોપ લગાવ્યો કે, ભાજપ ઈવીએમ દ્વારા અપ્રામાણિક રીતે જીતી રહ્યું છે. ઈવીએમથી ચૂંટણી ન થવી જોઈએ.
રાહુલે એક્સ પર પોસ્ટ મૂકી પોતાનો પ્રતિભાવ આપ્યો હતો અને હરિયાણાની જનતાનો આભાર વ્યક્ત કર્યો હતો. લોકોએ કોંગ્રેસને સારો ટેકો આપ્યો છે અને ભવિષ્યમાં અમે અમારી પહોંચ લોકો સુધી વધારશું.
