પાકિસ્તાને ઈરાન સામે શું કર્યું ? જુઓ

બે જૂના મિત્ર મુસ્લિમ દેશો વચ્ચે દુશ્મની સર્જાઇ ગઈ છે. ઈરાન અને પાકિસ્તાન એકબીજા પર હુમલા કરી રહ્યા છે. ઈરાનની એરસ્ટ્રાઈક બાદ પાકિસ્તાને પણ વળતો જવાબ આપ્યો હતો. પાકિસ્તાની મીડિયા દ્વારા દાવો કરવામાં આવી રહ્યો છે કે પાકિસ્તાને ઈરાનમાં ઘણા આતંકવાદી ઠેકાણા પર હુમલો કર્યો છે.

પાકિસ્તાની મીડિયા મળતા અહેવાલ અનુસાર, આ હુમલા ઈરાનમાં બલૂચિસ્તાન લિબરેશન આર્મી આતંકવાદી ઠેકાણાઓને નિશાન બનાવીને હુમલો કરવામાં આવ્યો હતો. પાકિસ્તાન દાવો કરે છે કે બલૂચિસ્તાન લિબરેશન આર્મી , બલૂચિસ્તાન લિબરેશન ફોર્સ જેવા બલૂચ અલગતાવાદી જૂથો ઈરાનની અંદર સક્રિય છે, જેઓ પાકિસ્તાન વિરોધી ગતિવિધિઓ અને કાવતરાં ઘડવામાં સામેલ છે. આ ઉપરાંત દાવો કરવામાં આવ્યો છે કે ઈરાન આવા સંગઠનોને આશ્રય આપીને મદદ કરે છે. બીજી તરફ ઈરાને આવા દાવાઓને નકારી દીધા છે.

આ અગાઉ ઈરાને પાકિસ્તાનમાં આતંકવાદી ઠેકાણાઓને નિશાન બનાવીને એરસ્ટ્રાઈક કરી હતી જેમાં બે બાળકો માર્યા ગયા હતા અને અન્ય ત્રણ લોકો ઘાયલ થયા હતા. પાકિસ્તાને આ હુમલાની સખત નિંદા કરી હતી. પાપાકિસ્તાની વિદેશ કાર્યાલયે એક નિવેદન જારી કરીને કહ્યું છે કે ઈરાનનું આ કૃત્ય ‘તેના એરસ્પેસનું બિનઉશ્કેરણીજનક ઉલ્લંઘન’ છે.