અંતિમ કેબિનેટ બેઠકમાં મોદીએ શું કહ્યું ? જુઓ
સરકારની રચનાને લઈને ચાલી રહેલા સસ્પેન્સ વચ્ચે વડાપ્રધાન નરેન્દ્ર મોદીએ બુધવારે મોટું નિવેદન આપ્યું હતું. પહેલીવાર તેમણે લોકસભા ચૂંટણીમાં સીટોની સંખ્યા ઘટવા પર પ્રતિક્રિયા આપી હતી. સૂત્રોના જણાવ્યા પ્રમાણે કેબિનેટની બેઠકમાં મોદીએ કહ્યું હતું કે , જીત અને હાર રાજનીતિનો એક ભાગ છે. નંબરોની રમત તો ચાલતી રહે છે, તમે દેશ અને સમાજ માટે કામ કરતા રહો.
સરકારની છેલ્લી કેબિનેટ બેઠકમાં વડાપ્રધાન નરેન્દ્ર મોદીએ કેબિનેટના સાથીદારો સાથે ચર્ચા કરી હતી. તેમને ખાતરી આપી કે તે 10 વર્ષથી સારી રીતે કામ કરી રહ્યા છે અને તેને આગળ લઈ જવામાં આવશે.
મંત્રી પરિષદની બેઠકમાં મોદીએ કહ્યું, રાજકારણમાં ઉતાર-ચઢાવ આવે છે, અમારી સરકારે ખૂબ સારું કામ કર્યું છે. અર્થતંત્રને આગળ લઈ જવાનું કામ કર્યું છે. ભવિષ્યમાં પણ વધુ સારું કરશે. વડાપ્રધાને આ પ્રસંગે વિપક્ષી પાર્ટીઓને પણ આડે હાથ લીધી હતી અને કહ્યું કે અમે જીતી રહ્યા છીએ પણ બીજા કૂદી રહ્યા છે. આ અવસર પર મોદીએ કેબિનેટના તમામ સહયોગીઓનો આભાર પણ વ્યક્ત કર્યો હતો અને કહ્યું હતું કે તમે બધાએ સારું કામ કર્યું છે અને લોકોની સુખાકારી માટે જાગૃત રહ્યા છો.