મહારાષ્ટ્ર સાયબર સેલે સમન્સ પાઠવ્યું, બીજા કલાકારો પણ જાળમાં આવશે
જાણીતા રેપર બાદશાહ પણ હવે બેટિંગ એપ મામલે મુસીબતમાં મુકાઇ શકે છે. સાયબર સેલ દ્વારા તેને સમન્સ મોકલાયું છે અને હવે તેની પૂછપરછ કરવામાં આવશે.
મહારાષ્ટ્ર પોલીસના સાયબર સેલે બાદશાહને સમન્સ મોકલ્યું છે. સાયબર સેલ ફેયરપ્લે એપ (મહાદેવ એપ સાથે જોડાયેલ બેંટિગ એપ) અંગે બાદશાહની પૂછપરછ કરી રહ્યું છે. કહેવામાં આવી રહ્યું છે કે, આ મામલામાં બાદશાહની સાથે સાયબર સેલ બોલિવૂડના અન્ય 40 કલાકારોને પણ સમન્સ મોકલી શકે છે.
ફેરપ્લે એપ મહાદેવ એપથી જોડાયેલી છે, જેને સૌરભ ચંદ્રાકર અને રવિ ઉપ્પલ દ્વારા પ્રમોટ કરવામાં આવે છે.આ એપને IPL સ્ટ્રીમ કરવાની પરવાનગી નથી. પરંતુ, તેણે ગેરકાયદેસર રીતે IPL સ્ટ્રીમ કર્યું હતુ. તેથી વાયકોમ 18, જેની પાસે આઈપીએલના અધિકારો હતા, તેણે ફેરપ્લે એપ સામે એફઆઈઆર દાખલ કરી હતી.
વાયાકોમ 18ની ફરિયાદ બાદ રેપર બાદશાહને સમન્સ પાઠવવામાં આવ્યો હતો. કારણ કે તેણે IPL દરમિયાન કથિત રીતે ફેરપ્લે એપનો પ્રચાર કર્યો હતો.