VIDEO : રાજ્યસભામાં ભડક્યા જયા બચ્ચન : મારા નામની પાછળ અમિતાભનું નામ કેમ લીધુ..
મહિલાઓ શા માટે પતિના નામે ઓળખાય છે, જાણે તેની કોઈ સિધ્ધી જ ન હોય…
અભિનેત્રી અને રાજ્યસભા સાંસદ જયા બચ્ચને પોતાના નામની પાછળ અમિતાભ બચ્ચનનું નામ લેવા સામે રાજ્યસભામાં વાંધો ઉઠાવ્યો છે. રાજ્યસભાના ઉપાધ્યક્ષ હરિવંશ નારાયણ સિંહે જયા બચ્ચનને જયા અમિતાભ બચ્ચન કહીને સંબોધ્યા, જેના પછી જયા બચ્ચન ખૂબ ગુસ્સે થઈ ગયા હતાં.આ અંગેનો વિડીયો પણ વાઈરલ થયો છે.
જયા બચ્ચને વાંધો વ્યક્ત કરતાં ઉપાધ્યક્ષને કહ્યું,’સાહેબ, જો તમે જયા બચ્ચન કહ્યું હોત તો એ પૂરતું હતું.’ ઉપાધ્યક્ષ હરિવંશ નારાયણ સિંહે જયા બચ્ચનની વાત સાંભળ્યા બાદ કહ્યું કે અહીં આખું નામ લખવામાં આવ્યું છે, તેથી મેં તેને પુનરાવર્તન કર્યું છે. ત્યારે જયા બચ્ચને કહ્યું,’આ નવો ટ્રેન્ડ શરૂ થયો છે. જ્યાં મહિલાઓ તેમના પતિના નામથી ઓળખાશે. તેનું કોઈ અસ્તિત્વ નથી, તેની પાસે કોઈ સિદ્ધિઓ નથી.
અભિનેત્રી અને રાજ્યસભા સાંસદ જયા બચ્ચનનો આ વીડિયો હવે દરેક સોશિયલ મીડિયા હેન્ડલ પર વાયરલ થઈ રહ્યો છે અને યૂઝર્સ તેની પ્રતિક્રિયા આપી રહ્યા છે. નામને લઈને હંગામો ત્યારે થયો જ્યારે સમાજવાદી પાર્ટીના સભ્ય જયા બચ્ચન કોચિંગ સેન્ટરની ઘટના પર પોતાનો મત વ્યક્ત કરવા ઉભા થયા હતા. જયા બચ્ચને કોચિંગ સેન્ટર અકસ્માતને લઈને રાજનીતિ ન કરવાની અપીલ કરી હતી.
જયા બચ્ચને કહ્યું કે પીડિતોના પરિવારજનોના દુખ વિશે કંઈ ન કહેવું ખૂબ જ પરેશાન કરનારું છે. તેણે કહ્યું, ‘બાળકોના પરિવાર વિશે કોઈએ કંઈ કહ્યું નહીં. તેમને શું થયું હશે! ત્રણ નાના બાળકો ગયા. હું એક કલાકાર છું, હું બોડી લેંગ્વેજ અને ચહેરાના હાવભાવ સમજું છું.
તેમણે કહ્યું, ‘દરેક પોતપોતાની રાજનીતિ કરી રહ્યા છે. આ મુદ્દે રાજકારણ ન કરવું જોઈએ. જયાએ કહ્યું, ‘મ્યુનિસિપલ કોર્પોરેશનનો અર્થ શું? જ્યારે હું અહીં શપથ લેવા આવી ત્યારે મારું ઘર જર્જરિત હાલતમાં હતું. ત્યાં ઘૂંટણિયા સુધી પાણી હતું. આ એજન્સીનું કામ એટલું ખરાબ છે કે પૂછો નહીં. અમે તેના માટે જવાબદાર છીએ કારણ કે અમે ફરિયાદ કરતા નથી અને તેના પર કોઈ પગલાં લેવામાં આવતા નથી.
