VIDEO : ઉત્તરાખંડના ધરાલીમાં વાદળ ફાટ્યું : તણખલાંની જેમ તણાયાં અનેક ઘરો,4 લોકોના મોત, 50 લોકો લાપતા
ઉત્તરાખંડના ઉત્તરકાશીમાં વાદળ ફાટવાથી એક મોટી દુર્ઘટના બની છે. ગંગોત્રી ધામ અને મુખવા નજીક આવેલા ધારાલી ગામમાં મંગળવારે વાદળ ફાટવાથી એક નાળું છલકાઈ ગયું. ટેકરી પરથી નીચાણવાળા વિસ્તારો તરફ પાણી ખૂબ જ ઝડપથી વહેતું થયું છે જેના કારણે ઘણા ઘરો સંપૂર્ણપણે નાશ પામ્યા છે. આ ઘટનામાં 4ના મોત થયા છે અને 50 લોકો લાપતા થયા છે આ ઘટના ખૂબ જ ગંભીર છે સ્થાનિક લોકોને ચિંતામાં મૂકી છે. અનેક લોકોના ઘર તણખલા તણાયા છે પાણી સાથે કાટમાળ પણ આવ્યો છે, જેમાં ઘણા લોકો દટાયા હોવાની આશંકા છે. આ ઘટનાના વિડીયો સોશિયલ મીડિયા વાયરલ થઇ રહ્યા છે જે જોઈને ખ્યાલ આવે છે કે આ પૂર કેટલું ભયાનક હતું. આ દૃશ્ય જોઈને લોકો ચીસો પાડવા લાગ્યા. આ વિસ્તારમાં વાદળ ફાટવાના કારણે લોકોમાં ડરનો માહોલ છે.
BREAKING: Massive flooding in Khir Ganga in Dharali village of Uttarakhand following incessant heavy rain in the region, many feared trapped#Uttarakhand #UttarakhandRain pic.twitter.com/3j8lkxEOcH
— Vani Mehrotra (@vani_mehrotra) August 5, 2025
અસરગ્રસ્ત વિસ્તાર ગંગોત્રી ધામ નજીક
વાદળ ફાટ્યા બાદ નાળામાં પાણી ભરાઈ જવાથી સમગ્ર વિસ્તારમાં ગભરાટ ફેલાયો હતો, હવે વિસ્તારમાં રાહત અને બચાવ કાર્ય ચાલી રહ્યું છે. જિલ્લા આપત્તિ વ્યવસ્થાપન વિભાગે અકસ્માતની પુષ્ટિ કરી છે અને કહ્યું છે કે પરિસ્થિતિ પર નજીકથી નજર રાખવામાં આવી રહી છે. મુખ્યમંત્રી પુષ્કર સિંહ ધામીએ કહ્યું, ‘ધારાલી (ઉત્તરકાશી) વિસ્તારમાં વાદળ ફાટવાથી થયેલા ભારે નુકસાનના સમાચાર ખૂબ જ દુઃખદ અને પીડાદાયક છે. SDRF, NDRF, જિલ્લા વહીવટીતંત્ર અને અન્ય સંબંધિત ટીમો રાહત અને બચાવ કામગીરી માટે યુદ્ધના ધોરણે કાર્યરત છે.’
ગંગોત્રી ધામ જવાના માર્ગ પર ધારાલી એક મહત્વપૂર્ણ સ્ટોપ છે. ધારાલીમાં ખીર ગંગા નદીમાં વાદળ ફાટવાથી આ વિનાશક દ્રશ્ય જોવા મળ્યું હોવાનું કહેવાય છે. એવું કહેવામાં આવી રહ્યું છે કે તેમાં 50 લોકો ગુમ છે. નદી કિનારે અચાનક આવેલા પૂરને કારણે ડઝનબંધ હોટલ અને હોમસ્ટેને નુકસાન થયું છે. તેમાં ઘણા કામદારો દટાયા હોવાની પણ શક્યતા છે.
ગૃહમંત્રી અમિત શાહે ઉત્તરાખંડ ભૂસ્ખલન અકસ્માત અંગે ઉત્તરાખંડના મુખ્યમંત્રી પુષ્કર ધામી સાથે વાત કરી છે. કેન્દ્ર સરકારે રાજ્યને શક્ય તમામ મદદની ખાતરી આપી છે. NDRF અને ITBP ટીમોને બચાવ કાર્ય માટે અકસ્માત સ્થળે મોકલી દેવામાં આવી છે.
ધારાલી ગામમાં વાદળ ફાટવાથી ભારે તબાહી
પ્રશાસન દ્વારા લોકોને સતર્ક રહેવાની પણ સલાહ આપવામાં આવી છે. પ્રશાસને જણાવ્યું હતું કે હર્ષિલ વિસ્તારમાં ખીર ગઢના વધતા જળસ્તરને કારણે ધારાલી શહેરમાં ભારે નુકસાન થયું છે. માહિતી મળતાં જ પોલીસ, SDRF, મહેસૂલ, સેના અને આપત્તિ ટીમો ઘટનાસ્થળે રાહત અને બચાવ કાર્યમાં રોકાયેલા છે. વહીવટીતંત્રે લોકોને નદીથી દૂર રહેવાની અપીલ કરી છે અને લોકોને સલામત સ્થળોએ જવાની સૂચના આપવામાં આવી છે.
આ પણ વાંચો : યુવતીને પ્રેમલગ્ન ભારે પડયા : રાજકોટમાં પુત્રવધૂ પર નજર બગાડી સસરાએ તેના બેડરૂમમાં કેમેરા ફિટ કરાવ્યા ! પતિ સહિત 4 સામે ફરિયાદ
વાદળ ફાટવાની આ ઘટના બાદ, ગંગોત્રી ધામનો જિલ્લા મુખ્યાલય સાથેનો સંપર્ક સંપૂર્ણપણે કપાઈ ગયો છે. ધારાલીમાં વધતા જળસ્તરને કારણે બજાર અને ઘરોને ઘણું નુકસાન થયું છે. ઉત્તરાખંડ અને હિમાચલ પ્રદેશ જેવા પહાડી રાજ્યોમાં ભારે વરસાદ અને વાદળ ફાટવાની ઘટનાઓ સતત થઈ રહી છે. આ અકસ્માતોમાં ઘણા લોકોએ જીવ ગુમાવ્યા છે અને ઘરોને ઘણું નુકસાન થયું છે.
