ઉત્તર પ્રદેશના ડીએસપીને સજા રૂપે કોન્સ્ટેબલની પાયરીએ ઉતારી દેવાયા

મહિલા પોલીસ સાથેની રંગરેલીયા ભારે પડી

ઉત્તર પ્રદેશમાં ત્રણ વર્ષ પહેલાં એક હોટેલમાં એક મહિલા પોલીસ કોન્સ્ટેબલ સાથે રંગરેલિયા મનવતા પકડાઈ ગયેલા ડીએસપીને કોન્સ્ટેબલની પાયરીએ ઉતારી દેવામાં આવ્યા હતા.

બનાવની વિગત એવી છે કે ઉ અન્નાઓના બિઘાપુર માં સર્કલ ઓફિસર તરીકે ફરજ બજાવતા ડીએસપી કૃપાશંકર કનોજીયાએ જુલાઈ 2021માં કૌટુંબિક કારણ આગળ ધરી રજા લીધી હતી.તે પછી ઘરે પહોંચવાને બદલે તેઓ ગુમ થઈ જતાં તેમના પત્નીએ ઉન્નાઓના એસપી ને જાણ કરી હતી.

પોલીસે બાદમાં કરેલી શોધખોળમાં છેલ્લે તેમના મોબાઈલ ફોનનું લોકેશન કાનપુરની એક હોટેલમાં પકડાયું હતું.પોલીસે ત્યાં તપાસ કરતાં તેઓ રૂમમાંથી મહિલા પોલીસ કોન્સ્ટેબલ સાથે રંગેહાથ ઝડપાઇ ગયા હતા.

આ બનાવ અંગે સરકારમાં ઉચ્ચ સ્તરે રિપોર્ટ કરવામાં આવ્યો હતો અને ત્રણ વર્ષ બાદ સરકારે હવે તેમને કોન્સ્ટેબલની પાયરીએ ઉતારી દેવાનો આદેશ કર્યો છે. ડીએસપીમાંથી કોન્સ્ટેબલ બની ગયેલા કૃપાશંકરને ગોરખપુરમાં 26મી પ્રિવિન્સિયલ આર્મડ કોનસબ્યુલરી માં ફરજ પર મૂકી દેવામાં આવ્યા છે.