Union Budget 2026-27: શિક્ષણ ક્ષેત્રે મોટી ઘોષણા: ફાર્મા શિક્ષણ માટે 3 નવા રાષ્ટ્રીય સંસ્થાન સ્થાપવાની મહત્વની જાહેરાત

કેન્દ્રિય બજેટ 2026માં શિક્ષણ ક્ષેત્રે વ્યાપક સુધારા અને ભવિષ્યલક્ષી રોકાણોની જાહેરાત કરવામાં આવી છે. નાણાંમંત્રી નિર્મલા સીતારામનએ ઉચ્ચ શિક્ષણની ક્ષમતા વધારવા અને કુશળ માનવબળ તૈયાર કરવા માટે ફાર્માસ્યુટિકલ શિક્ષણ અને સંશોધન માટે ત્રણ નવા રાષ્ટ્રીય સંસ્થાન સ્થાપવાની મહત્વની જાહેરાત કરી.

બજેટના પ્રસ્તાવોમાં શિક્ષક સશક્તિકરણ, સ્કિલિંગ, ટેક્નોલોજી આધારિત શિક્ષણ અને NEP-2020 હેઠળના સુધારાઓના અસરકારક અમલ પર સ્પષ્ટ ભાર મૂકાયો છે. નિષ્ણાતોનું માનવું છે કે ગ્રામિણ વિસ્તારોમાં શાળાઓની પહોંચ, શિક્ષક ભરતી અને ડિજિટલ અપસ્કિલિંગ જેવી પડકારો હજી યથાવત છે—જેને ઉકેલવા બજેટ દિશાસૂચક પગલાં સૂચવે છે.

આ પણ વાંચો :ભારતને AI અને ITનું વૈશ્વિક હબ બનાવવાનો મોટો પ્રયાસ: ડેટા સેન્ટર માટે 2047 સુધી ટેક્સ હોલિડેની જાહેરાત, વિદેશી ક્લાઉડ કંપનીઓને આકર્ષવા મોટું પગલું

AI સંકલિત લર્નિંગ પ્લેટફોર્મ, આઉટકમ-બેઝ્ડ શિક્ષણ અને શિક્ષણ-રોજગાર જોડાણ મજબૂત કરવાની વ્યૂહરચના દ્વારા વિદ્યાર્થીઓને ભવિષ્ય માટે તૈયાર કરવા પર ધ્યાન કેન્દ્રિત કરવામાં આવ્યું છે. સમગ્ર પ્રસ્તાવ પેકેજનો હેતુ શીખણ ખામીઓ પૂરી કરવો, વર્કફોર્સને ફ્યુચર-રેડી બનાવવો અને દેશના વ્યાપક આર્થિક વિકાસલક્ષ્યો સાથે શિક્ષણને સુસંગત બનાવવાનો છે.

• ફાર્મા શિક્ષણ માટે 3 નવા રાષ્ટ્રીય સંસ્થાનની સ્થાપના
• શિક્ષક સશક્તિકરણ અને ડિજિટલ અપસ્કિલિંગ પર ભાર
• AI આધારિત લર્નિંગ અને આઉટકમ-બેઝ્ડ શિક્ષણને પ્રોત્સાહન
• NEP-2020ના સુધારાઓનો વ્યાપક અમલ
• શિક્ષણ-રોજગાર જોડાણ મજબૂત કરી ફ્યુચર-રેડી વર્કફોર્સ તૈયાર કરવાનો લક્ષ્ય