ટ્રમ્પનો ટેરિફ બોમ્બ !! એક નિર્ણયથી કાર થશે મોંઘી : આ તારીખથી ટેરિફની અસર દેખાશે
અમેરિકી પ્રમુખ ડોનાલ્ડ ટ્રમ્પ પોતાની ટેરિફ તલવાર સતત ચલાવવા માટે કટિબધ્ધ છે અને હવે તેઓ ભારત સહિતના દેશોને ફરી ઝટકો આપવાના છે. એમણે જણાવ્યું હતું કે તેઓ 2 એપ્રિલની આસપાસ આયાતી કારો પર ટેરિફ લાદવાની યોજના ધરાવે છે, જે પદ સંભાળ્યા પછી તેમણે લાદેલા અનેક ટેરિફમાં ઉમેરો કરશે. તેઓ ઓટોમોબાઈલ્સ માટે નવા દર જાહેર કરે તેવી શક્યતા છે. આપણે ત્યાં પણ કારો મોંઘી થઈ શકે છે.
ટ્રમ્પે પત્રકારોને જણાવ્યું હતું કે, અમે 2 એપ્રિલની આસપાસ આ માટેની જાહેરાત કરીશું. ટ્રમ્પે યુએસના સાથીઓ અને હરીફો બંને પર જંગી ટેરિફ લાદવાના તેમના ચૂંટણી પ્રચાર વચનને પૂર્ણ કરતાં આ પગલું વધતા વેપાર યુદ્ધમાં નવો ઉમેરો કરી દેશે અને તેની અસર અનેક દેશો પર પડશે.
ટ્રમ્પે તેમના અત્યાર સુધીના સૌથી મોટા પગલાનું જાહેર કર્યાના એક દિવસ પછી આ પગલું લેવામાં આવ્યું છે, જેમાં તેમણે તેમના વહીવટને અમેરિકા વિરુદ્ધ ઝુકાવ ધરાવતી સિસ્ટમને સંબોધવાના પ્રયાસમાં સંખ્યાબંધ વેપાર ભાગીદારો પર પારસ્પરિક ટેરિફ લાદવાની યોજના વિકસાવવાનો આદેશ આપ્યો હતો.
ઓટો ખતરાએ જાપાન, જર્મની અને દક્ષિણ કોરિયાની કેટલીક મોટી બ્રાન્ડ્સને ઉપાધિમાં મૂકી દીધી છે . ગયા વર્ષે યુ.એસ. ઓટો માર્કેટમાં આયાતનો હિસ્સો લગભગ અડધો હતો. માર્કેટ રિસર્ચર ગ્લોબલડેટાના ડેટા અનુસાર, ફોક્સવેગન એજીના યુ.એસ. વેચાણમાંથી લગભગ 80% આયાત કરવામાં આવે છે, જ્યારે હ્યુન્ડાઇ-કિયાના યુ.એસ. વેચાણમાંથી 65% આયાત કરવામાં આવે છે.
