‘તૂં હીં મેરા ઘર’…સિંગર અરમાન મલિક લગ્નના બંધનમાં બંધાયા, ગર્લફ્રેન્ડ આશના સાથે લીધા સાત ફેરા : જુઓ તસવીરો
બોલિવૂડની અનેક ફિલ્મોમાં ગીતો ગાનાર સિગર અરમાન મલિકે તેની લોન્ગ ટાઈમ ગર્લફ્રેન્ડ સાથે લગ્ન કર્યા છે. તેણે પોતાના ઇન્સ્ટાગ્રામ પર લગ્નની તસવીરો શેર કરી છે. આ તસવીરોમાં અરમાન મલિક અને તેની પત્ની આશના શ્રોફ ખૂબ જ ખુશ દેખાઈ રહ્યા છે. અરમાન મલિક અને તેની પત્ની આશનાની આ તસવીરો પર તેના ફેન્સ અને તેના મિત્રો કોમેન્ટ કરીને તેને અભિનંદન આપી રહ્યા છે.
તસવીરોમાં અરમાન ખુશીથી બૂમો પાડતો જોવા મળે છે. અરમાન મલિકે લગ્નની તસવીર શેર કરી છે. જેમાં આશના અને અરમાન એકબીજાની આંખોમાં જોતા અને હાથ પકડેલા જોવા મળે છે. અન્ય તસવીરમાં અરમાન આશનાની સામે માળા લઈને ઊભો જોવા મળે છે. આ તસવીરમાં અરમાન ખુશીથી બૂમો પાડતો જોવા મળે છે. આ સિવાય પણ અરમાને બીજી તસવીરો શેર કરી પોતાની ખુશી વ્યક્ત કરી હતી.
‘તૂં હીં મેરા ઘર’
અરમાન મલિક અને આશના શ્રોફે પોતપોતાના ઇન્સ્ટાગ્રામ એકાઉન્ટ પર લગ્નની તસવીરો શેર કરી છે. સિંગરે તસવીરો શેર કરતી વખતે લખ્યું કે, ‘તૂં હીં મેરા ઘર’. તેમના લગ્નની ખૂબ જ ખાસ પળોને આ તસવીરોમાં સુંદર રીતે કેદ કરવામાં આવી છે. એક તસવીરમાં અરમાન અને આશના એકબીજાનો હાથ પકડીને બેઠા છે, તો બીજી તસવીરમાં એકબીજાને જોઈને હસી રહ્યાં છે. લગ્નની વિધિની તસવીરો પણ શેર કરી હતી.
2023માં અરમાન મલિકે પ્રપોઝ કર્યું હતું
અરમાન મલિકે ઓગસ્ટ 2023માં આશનાને પ્રપોઝ કર્યું હતું. બાદમાં તેણે આશના માટે એક સ્પેશિયલ મ્યુઝિક વિડિયો રિલીઝ કર્યો હતો ‘કસમ સે’, જેને લોકોએ ખૂબ જ પંસદ કર્યો હતો. મ્યુઝિક વિડિયો રિલીઝ થયાનાં બે મહિના પછી જ અરમાન અને આશના સાથે સગાઈ કરી હતી. આ કપલ 2017થી એકબીજાને ડેટ કરી રહ્યું હતું.
