સોવરેન ગોલ્ડ બોન્ડમાં ટેક્સ નિયમોમાં 1 એપ્રિલથી થશે મોટો ફેરફાર: સેકન્ડરી માર્કેટ રોકાણકારોને હવે ટેક્સ ચૂકવવો પડશે
ભારતમાં સોનામાં રોકાણ કરતા રોકાણકારો માટે એક મહત્વપૂર્ણ ફેરફાર આવ્યો છે. કેન્દ્ર સરકારે સોવરેન ગોલ્ડ બોન્ડ (SGB) પર મળતી કેપિટલ ગેઈન ટેક્સની છૂટ અંગેનો નિયમ બદલી નાખ્યો છે. હવે 1 એપ્રિલથી સેકન્ડરી માર્કેટમાં મેજોરિટી બાદ SGBની ખરીદી-વેચાણ પર ટેક્સ ચૂકવવો ફરજિયાત બનશે. ચાલુ વર્ષના બજેટમાં કરાયેલા આ નિર્ણયથી સોનામાં રોકાણ અને રોકાણકારોની વ્યૂહરચનામાં મોટો બદલાવ જોવા મળી શકે છે.
નાણાકીય નિષ્ણાતોનું કહેવું છે કે, એપ્રિલ 2025 થી સોવરેન ગોલ્ડ બોન્ડ (SGB) પર મળતી ટેક્સ છૂટ માત્ર તેઓને જ મળશે જેણે પ્રાથમિક ઈસ્યુ સમયે સીધા રિઝર્વ બેંક ઓફ ઈન્ડિયા (RBI) મારફતે બોન્ડ ખરીદ્યા હશે અને તેને સંપૂર્ણ પરિપક્વતા સુધી પોતાના નામે જ રાખ્યા હશે.
આ પણ વાંચો :Iran Israel War: અમેરિકા-ઇઝરાયલ દ્વારા ઈરાન પર મોટા હુમલા બાદ ભારતીયો માટે એડવાઈઝરી જારી; દૂતાવાસે એલર્ટ કરીને જુઓ શું કહ્યું?
જો કોઈ રોકાણકારે શરૂઆતમાં RBI પાસેથી બોન્ડ ખરીદ્યા ન હોય અને પછીથી સેકન્ડરી માર્કેટમાંથી ખરીદી કરી હોય તો, પરિપક્વતા પછી વેચાણ કરતાં મળતા નફા પર સરકારે કેપિટલ ગેઈન ટેક્સ વસૂલશે. આ નવા નિયમ બાદ SGBમાં રોકાણ કરનારાઓ હવે બે અલગ વર્ગોમાં વહેંચાઈ જશે એક તેઓ જે પ્રાથમિક ઈસ્યુમાં રોકાણ કરીને ટેક્સ છૂટનો લાભ લેશે અને બીજા તેઓ જે બજાર મારફતે ખરીદી કરીને ટેક્સની જવાબદારી વહન કરશે.
