પુરાના અંદાજ !! માસ્ટર લીગની ફાઈનલમાં યુવરાજ અને ટીનો બેસ્ટ વચ્ચે રકઝક, અમ્પાયર અને લારાએ થાળે પાડ્યો મામલો
ઇન્ટરનેશનલ માસ્ટર્સ લીગમાં, ભારતે વેસ્ટ ઇન્ડીઝને 6 વિકેટથી હરાવીને ટાઇટલ જીત્યું. મેચોમાં ઘણીવાર અનુભવી ખેલાડીઓ મેદાન પર એકબીજાની પ્રશંસા કરતી વખતે હળવાશભર્યા ક્ષણો શેર કરતા જોવા મળે છે. ૧૬ માર્ચે ઇન્ડિયન માસ્ટર્સ અને વેસ્ટ ઇન્ડીઝ માસ્ટર્સ વચ્ચેની ફાઇનલમાં વાતાવરણ સંપૂર્ણપણે અલગ હતું. યુવરાજ સિંહ અને ટીનો બેસ્ટ વચ્ચે ઉગ્ર દલીલ થઈ હતી. આ મેચમાં વેસ્ટ ઈન્ડિઝને હરાવીને ભારતે ટ્રોફી જીતી હતી.
મેચની બીજી ઈનિંગ દરમિયાન 13મી ઓવર બાદ યુવરાજ અને ટિનો વચ્ચે દલીલ થઈ ગઈ હતી. વેસ્ટ ઈન્ડિઝનો ફાસ્ટ બોલર પોતાની ઓવર પૂરી કર્યા બાદ મેદાનની બહાર જવા માગતો હતો. જોકે, યુવરાજે અમ્પાયરને આ મુદ્દે જણાવ્યું અને ટીનોને મેદાનમાં પરત ફરવું, જેનાથી તે નારાજ થઈ ગયો. પરિણામે તે યુવરાજ તરફ આગળ વધ્યો અને બંને વચ્ચે દલીલ થઈ હતી.
લડાઈનો વીડિયો વાઈરલ
બંને એકબીજા પર આંગળી ચીંધતા અને તીખા શબ્દોનો ઉપયોગ કરતા જોવા મળ્યા. પરિસ્થિતિની ગંભીરતાને જોઈને, અમ્પાયરો અને વેસ્ટ ઈન્ડિઝ માસ્ટર્સના કેપ્ટન બ્રાયન લારાએ તેમને શાંત કરવા માટે દરમિયાનગીરી કરવી પડી. ત્યારબાદ અંબાતી રાયડુ યુવરાજ સિંહને અલગ કરતો જોવા મળ્યો. તેનો વીડિયો હવે સોશિયલ મીડિયા પર વાયરલ થઈ રહ્યો છે. વીડિયોમાં યુવીનો એ જ જૂનું તેવર જોવા મળી રહ્યું છે.
— Cricket Heroics (@CricHeroics786) March 16, 2025
ઈન્ડિયાએ જીત નોંધાવી
ફાઈનલ મેચની વાત કરીએ તો વેસ્ટ ઈન્ડિઝ માસ્ટર્સે પ્રથમ બેટિંગ કરતા નિર્ધારિત 20 ઓવરમાં 148/7 રન બનાવ્યા. લેન્ડલ સિમન્સ (41 બોલમાં 57 રન) અને ડ્વેન સ્મિથ (35 બોલમાં 45 રન)એ શાનદાર ઈનિંગ્સ રમી. વિનય કુમારે ત્રણ વિકેટ ખેરવી હતી. ટાર્ગેટ ચેઝ કરતા ઈન્ડિયા માસ્ટર્સે 17.1 ઓવરમાં ચાર વિકેટ ગુમાવીને મેચ પોતાના નામે કરી લીધી હતી.
સચિન તેંડુલકરે ભારતને ઝડપી શરૂઆત અપાવી
બંને વચ્ચે દલીલ ચાલુ રહી પણ ઓવરો વચ્ચે, યુવરાજ અને બેસ્ટ મજાક પણ કરતા. યુવરાજ ૧૧ બોલમાં ૧૩ રન બનાવીને અણનમ રહ્યો. સ્ટુઅર્ટ બિન્નીએ સુલેમાન બેનની બોલ પર બે છગ્ગા ફટકારીને વેસ્ટ ઈન્ડિઝની વાપસીની શક્યતાઓનો અંત લાવી દીધો. અગાઉ ૧૪૯ રનનો પીછો કરતા રાયડુ અને સુકાની સચિન તેંડુલકરે ભારતને ઝડપી શરૂઆત અપાવી હતી.
તેંડુલકરે બોલરોની ગતિનો ફાયદો ઉઠાવીને બે ચોગ્ગા અને એક છગ્ગો ફટકાર્યો, જેનાથી પ્રેક્ષકો મંત્રમુગ્ધ થઈ ગયા. બેસ્ટે આઠમી ઓવરમાં તેંડુલકરની વિકેટ લીધી. રાયડુ શાનદાર ફોર્મમાં હતો અને તેણે ૫૦ બોલમાં ૭૪ રન બનાવ્યા જેમાં નવ ચોગ્ગા અને ત્રણ છગ્ગાનો સમાવેશ થાય છે. ભારતે ૧૭ બોલ બાકી રહેતા છ વિકેટે મેચ જીતી લીધી.
